媽咪姐
吳卓羲二手紙巾冧女
吳卓羲出名女性朋友多，《忽周》都報道過唔少羲少嘅緋聞女友，啲名真係多到不能盡錄。
抹得唔好嘥，佢用同一張紙巾幫傅嘉莉抹沙，冧女都依然環保。
據媽咪姐所知，自從俾國產乳神張馨予飛甩之後，羲少重拾昔日玩家本色，自早前喺海南島三亞同人妻 Toby又啜又攬之外，最新目標就係同佢一齊拍《衝上雲霄Ⅱ》、有翻版徐子淇之稱嘅模特兒傅嘉莉（ Kelly）。劇中 Kelly飾演胡杏兒與吳卓羲之間嘅第三者，兩人對手戲甚多。據劇組人員爆料，羲哥不時借故教呢位視壇新人做戲大獻殷勤。其中一幕沙灘場口，佢更發揮大哥哥冧女本色，用紙巾抹走對方膊頭嘅沙。不過張紙巾，羲少自己用過嘅。咁嘅冧女招式，確係夠晒環保。 
全站熱搜
留言列表
