Set行晒頭官仔骨骨嘅城城，拉住「仔仔」出場領獎時，神采飛揚。
媽咪姐
郭富城好帶挈
啱 啱過去 嘅星期日，對郭富城 嚟講可謂係重要 嘅歷史時刻。大家唔好誤會，唔係宣布同熊黛林結婚，而係佢個仔——「愛的呼喚」首次出賽！
當日老友張智霖、沈嘉偉同老婆邱淑貞都有 嚟撐場， 喺馬場好多人都問城城「愛的呼喚」第一次出賽點呀？雖然佢對個仔信心十足，不過仍然好謙咁話「三甲啦！」
唔知係咪因為城城一句「三甲啦！」開跑前半個鐘仲有馬迷不停落飛，唔少城城 fans為撐偶像都有落注，最後「愛的呼喚」不負城望，贏足一個半馬位衝刺摘冠。
曾志偉同沈嘉偉依然淡定，張智霖就興奮到高舉兩隻手指公，唔通佢買 咗唔少？
唔少網友 喺微博貼上當日支持城城愛駒 嘅彩票，有 啲人仲話人生第一次買馬㖭。
全站熱搜
留言列表
