Hubert指選購鋼琴，琴鍵的質感非常重要，而且要講「 feel」。身旁便是十年前購入的二手鋼琴，價值約五萬。
星悅居
胡鴻鈞 我們這一家
《超級巨聲 2》亞軍的胡鴻鈞（ Hubert）最近推出處男專輯《雙飛》，播映中的《天梯》主題曲也是由他主唱，正值事業搏殺期。
一般 90後年青人常怨樓價高企、難以置業，相反已變成公眾人物的 Hubert，仍堅持與家人同住一個八百多呎的居屋單位，全因這個家親情洋溢，尤其充滿父親對他的關愛。
胡鴻鈞三歲便搬往現時藍田的居所，與附近鄰居建立了廿年的感情：「除非將來成家立室，否則都唔會搬出去住，而且我 嘅工作都係唱歌為主，工作時間唔顛倒，對家人暫時都冇乜影響。」鄰居看住 Hubert成長，即使現在他變為「歌手」，對他來說分別也不大。 Hubert說：「鄰居見到我，都係問多 咗句：『近日忙唔忙？係咪搵好多？』 啫。」
客飯廳的燈都是胡爸爸的傑作，飯廳那盞燈用木板及彩色玻璃製作（上圖），之後加工，只需數百元。圓形那盞水晶燈，更是父親為客廳砌的。
手製水晶燈
一屋兩個琴
Hubert家中三房兩廳，住有父母及胞姊的四人典型小家庭。客廳擺放了幾幅油畫，全是 Hubert及胞姊童年的作品；另外，客廳也放了一座鋼琴，連同 Hubert房內的電子琴，共有兩座琴。
Hubert說：「我同家姐童年時都有學鋼琴。至於房內 嘅電子琴係方便晚上練習用 嘅，咁樣唔會對家人造成騷擾。因為我依家玩流行音樂，希望對唱歌有幫助。」
胡鴻鈞笑指自己童年時有小聰明，小學時獲獎多，近年則有《超級巨聲》及《勁歌金曲》等獎項。
Fans手製的禮物，遍布家中每個角落， Hubert都珍而重之。
這幅生果油畫，是 Hubert 10歲時的作品，幾有大師風範！
父親自製燈飾
仔細再看屋內的裝修及擺設，就更能感受 Hubert家人的溫暖。原來，家居最初有兩個浴室，但胡父覺得多餘，於是略作改動。「父親做開室內設計，屋企 嘅裝修都係佢親力親為。」 Hubert望着父親說。
胡爸爸說：「我先係改 咗其中一個浴室門 嘅方向，再將另一浴室同 Hubert間房打通，一來可以加大 Hubert間房，二來呢個小改動令客廳易於放家具。屋內 嘅燈飾都係我自己郁手造 㗎，花費便宜，好多朋友都讚。」所以胡爸爸雖然已退休，但閒時都會替朋友搞裝修及設計。
胡爸爸雖然口中說兒子練琴不及胞姊有耐性，但 Hubert彈奏時也有板有眼，只是胡爸爸對兒子要求高。
這張畫像及相架都是 fans送的，相架集合了 Hubert入行一年來的變化。
父子愛鬥嘴
無論改建浴室或者加設電子琴，其實都反映了胡爸爸對 Hubert的心意。雖然愛子愛出面，不過兩父子卻偏偏愛鬥嘴。
講開練琴，胡爸爸忍唔住對記者講：「佢家姐練琴有耐性過佢。」 Hubert即解釋說：「細時學琴有被迫 嘅感覺 吖嘛，好彩都學到八級畢業。」胡爸爸又爆 Hubert不及胞姊獨立：「佢淨係識煮公仔麵。」 Hubert即說：「我鍾意俾家人照顧 嘅感覺。我讀大學時，家姐去咗澳洲讀書，當時只有父母 喺屋企，佢哋好孤單，所以依家會多 啲陪父母，照顧番佢 哋啦！」
Hubert的房間有很多服飾，雖然擺得算係整齊，不過在睡房擺出來都好大堆頭。嚟緊 Hubert會愈來愈多歌衫，看來他真係要諗諗計！
雖然房間細細，但電子琴、書架及電腦卻擺放得歸一，方便他隨時彈奏。 Hubert份人充滿好奇心，睡房有不少自然科學及心理學的圖書。
浴室的門口位曾作改動，令它歸入廚房範圍內，慳位之餘也令客廳易於擺放家具。浴室內的櫃子更是胡父親手打造，甚有心思。
單位平面圖
留言列表
