做慣 師奶 戚美珍 當街 摷bra 3週刊 678期
戚美珍雖然有幫TVB工作，但佢就唔願同老公苗喬偉（三哥）夫妻檔演出，大家最近睇《雷霆掃毒》亦只見三哥。不過，戚美珍主持《珍情品味》相當受歡迎。
雖然兩夫婦各有各忙，但兩人平時人前人後都好恩愛，連林為《珍情品味》做嘉賓，都忍唔住戚美珍面前讚三哥咁話：「我由細到大都有睇三哥做戲，《雷霆掃毒》係三哥最chok、最型、最Man一套。」戚美珍聽到有人咁讚佢老公，即刻爆甜笑！
唔知係咪心情靚得滯，戚美珍當日拍攝期間，竟然當街摷bra，成隻手伸入心口整理個bra，頗為不雅。之後佢發現好姨影相，即刻縮手扮冇事。其實當日佢公眾地方拍攝，引來路人圍觀，有粉絲一見攝製隊準備收工，即上前同戚美珍合照。有粉絲圍觀，佢都唔應該咁冇戒心。可能佢做得師奶耐，忘記自己藝人身分啦！
其實戚美珍同三哥真愛得癡纏，兩人相愛30年，原來曾分手，戚美珍說：「以前我經常嗌交，分手後佢仍然殷勤地接我返工放工，我就叫廖安麗向三哥講，叫佢唔好再追我，我一世都唔會再鍾意佢，結果我真係自打嘴巴！」
放大圖片
全站熱搜
留言列表
