雷霆掃毒 神奇增高器 又穿崩喇

昨日下午才說到《雷霆掃毒》的大毒梟李成昌選在白日鬧市進行毒品交易,可能編劇的用心是「愈危險地方愈安全」法則。結果晚上一集,吳綺莉的對白真有這麼一句,不過係講其他嘢。

講番呢套《雷霆掃毒》,真係好毒。不止有7不思議之謎,更可以有70件。例如點解查黑警竟然要毒品調查科的情報組Happy Sir同新丁官恩娜去查?冇獨立部門專查嗎?線人來來去去不是徐子珊就是沙膽添,其他線人都唔等錢使嗎?

OKOK,講故不駁故。但o尋日一集,講眼見事實喇,呢舖真係唔知點駁。明明三哥苗僑偉高過林子善,但竟然寫到佢哋都係178cm;明明三哥身形較大,但寫佢輕過郭政鴻。更奇係郭政鴻、羅樂林、林子善都係85kg,而三哥竟然只得75kg。WoW。

有相為證,三哥(右一)明明高過林子善,點解部電腦係話兩人都係178cm?
有相為證,三哥(右一)明明高過林子善,點解部電腦係話兩人都係178cm?

羅樂林點睇都有中年發福,郭政鴻就弗到痺,點可能大家都係85kg?
羅樂林點睇都有中年發福,郭政鴻就弗到痺,點可能大家都係85kg?

三哥偽造profile《雷霆掃毒》神奇增高器
三哥偽造profile

林子善偽造profile《雷霆掃毒》神奇增高器
林子善偽造profile

相關:
《雷霆掃毒》7不思議之謎
2012-10-05 16:55:46

老老實實,《雷霆掃毒》,是值得like的。大製作,又有俊男美女,又有槍戰。好好睇。

之不過昨晚播出一集,大家卻有很多疑問。趁依家收工,坐緊或者企緊車時,可以上番mytv,一齊睇,一齊諗。

1昨晚神秘毒梟李成昌出場,奇怪是,為何大毒梟與哥倫比亞毒犯交易,要親自出馬?
2.為何交易時間地點竟然選在光天化日下鬧市一幢空置唐樓內?真係「愈危險地方愈安全」?
3.為何李成昌要大大個人企0係窗前?方便掃毒組做靶?
4.為何李成昌與毒犯聯絡交易時間地點時,竟然輕易被警方勾到線?
5.為何那一連串代表交易時地的密碼,竟然只是﹕頭幾位數字係經緯度、後面一堆數字係日子同時間——係毒犯重回到七十年代水平,定係編劇墮落了?
6.吳綺莉返回警署,大大聲話已封了李成昌7個戶口及名下物業,等佢一個仙都冇……乜大毒梟仲會用自己名開戶口0既咩?
7.順帶一提,為何潘芳芳「夾」0左蔡婆婆想掟佢落街,竟然冇被控0既?

一集戲有7個問題,好玩﹗抵睇﹗


李成昌同毒犯交易,竟然選在光天白日鬧市中進行。

仲有大大個人站在窗前,不怕被開槍打死嗎?

幾緊張……

Happy Sir只是想了一想,就推斷出交易密碼之謎。

原來密碼只是,原來只是頭幾位數字係經緯度、後面一堆數字係日子同時間。

潘芳芳「夾」0左蔡婆婆想掟佢落街,竟然冇被控0既?

雷霆掃毒-TVB Trailer.flv

 

 

arrow
arrow
    全站熱搜

    tvb4life 發表在 痞客邦 留言(0) 人氣()