胡定欣 承認 拍拖 新男友 沈柏淳

胡定欣當街扯高衫 闊少艷腹無邊

現年31歲的無綫姐仔胡定欣,箍唔掂電視城筍盤馬國明後,踏入中女之列的她為覓好歸宿,火速溝掂創作界有米新歡沈栢淳(Patt),打得火熱的兩人,日前買定外賣上男方家過夜,為冧新歡定欣更不惜當街揭高上衣,施肚皮誘惑。

胡定欣入行九年,感情生活一直多姿多采,除了獲其承認的吳浩康和馬國明兩段情外,更不時和合作對手傳緋聞,有指定欣和馬國明拍拖一年多後分手,一直對這個被公認為電視界筍盤的舊愛念念不忘,多番出招想箍煲翻撻,爭取兩人一同出埠及低調客串男友主演的電視劇,但最終都未能令馬國明回心轉意。

炮製浪漫生日P

定欣痛定思痛後,踏入中女之齡決鎖定目標,不願再煲「無米粥」,終於在今年初於朋友介紹下認識創作界筍盤新歡Patt,由電視界入創作界,加上新歡家底豐厚又有才華,拍拖不久定欣已視對方為結婚對象,今次拍拖不容有失。

據知,家境不俗的Patt由外國留學回港,自設創作公司,於廣告界甚有名氣,作為老闆的他身兼美術指導、攝影師及創作顧問,最重要的是Patt對定欣一見傾心,拍拖半年多不停施冧招氹女友,間中會發放銀彈及浪漫攻勢,送花又送手袋,逗得定欣心花怒放,不時於微博晒幸福,更經常帶同Patt出席好友聚會,認定對方的男友地位。早前定欣31歲生日,Patt花盡心思為女友搞了個驚喜船河派對,靜靜雞幫女友約定一班好姊妹,包括胡杏兒、黃智雯、胡蓓蔚等,令女友在船上過了一個既浪漫又熱鬧的難忘生日。

開籠雀狂冧男友

愛得癡纏的定欣和Patt,日前又再秘密約會,當晚九時多穿上闊領露肩上衣、大騷誘人鎖骨的定欣,駕駛其座駕和男友於灣仔買了兩大袋外賣隨即上車,然後直駛往中環一停車場。泊好車後,手持外賣的Patt和定欣一同下車,兩人有講有笑步出停車場,繼而站在路邊等的士,有男友在身邊的定欣如同開籠雀般,不停甜絲絲地逗男友說話,Patt亦一臉冧笑望住女友。

等了數分鐘仍未有車,定欣一度嘟晒嘴又托頸,狀甚不耐煩,不過,眼見Patt同樣無癮,定欣又變臉改為逗男友開心,先是搔首弄姿一輪,忽然又當街揭高上衣,懶理姐仔身份,露出一大截白滑肚皮,Patt眼睜睜望實女友施誘惑,其後兩人截到車,火速趕去男方家開餐兼溫馨直落。

有新歡甜到漏的胡定欣,昨日接受電話訪問時坦承正和Patt蜜運中:「我哋近呢幾個月開始拍拖,新男友係朋友介紹,大家性格好夾所以走埋一齊,加上佢職業係做廣告,算係半個圈中人,會好明日我哋嘅工作。(冧功了得?)佢上個月陪我過第一個船河生日Party,好開心,有份出席嘅胡杏兒都好戥我開心!(畀男友幾分?)暫時唔畀分,我哋仲發展中!」

闊少起底

胡定欣的新歡沈栢淳(Patt)來頭不小,只有三十餘歲的他,已有自家廣告公司「Hivemind」並擔任創作總監,曾為王菀之擔任MV導演,以及為張敬軒拍攝影集。向來出手闊綽及家境不俗的Patt,不時送名牌手袋給女友。

胡定欣與闊少Patt等時不停搔首弄姿。
胡定欣與闊少Patt等時不停搔首弄姿。
胡定欣突然拉起外衣睇肚皮,闊少Patt亦好奇眼望望。
胡定欣突然拉起外衣睇肚皮,闊少Patt亦好奇眼望望。
定欣承認與Patt拍拖幾個月。
定欣承認與Patt拍拖幾個月。
定欣將座駕泊在停車場,與男友轉乘的士離開,十分低調。
定欣將座駕泊在停車場,與男友轉乘的士離開,十分低調。

馬國明為舊愛護航:冇死(舌累)我

對於舊愛胡定欣撻着闊少展開新戀情,馬國明昨日亦報以祝福:「我哋平日喺廠見面乜嘢都傾,不過佢有新男友未話我知,可能佢想穩定啲先講,如果係真嘅,佢搵到個錫佢嘅男友我當然祝福佢啦!」

有報道指胡定欣之前一直想「翻撻」馬國明不果,如今才轉搵新目標,馬國明昨亦為舊愛護航:「我再講一次,佢(定欣)冇死(舌累)我,只係報道一廂情願寫,你哋唔好咁話佢!」二人再見亦是朋友,胡定欣上月生日時,馬國明稱他亦有傳短訊祝賀:「我哋分手又唔係有第三者,當然仲係朋友,乜嘢都傾,上次佢生日出海有報道佢有男友,我都有睇到,但當時啲相又冇拖手,唔知係咪真,所以冇問佢!」

入行9年兩段情爛尾

胡定欣入行9年,為人所知的戀情不算多。定欣在1999年參加「新秀歌唱比賽」而認識吳浩康,於2003年入行後二人開始拍拖,及至2006年有傳因模特兒莊思敏的介入而搞得二人分手收場,自此更有傳兩女勢成水火,2008年10月更傳出她們在電視城電梯發生口角,莊思敏更被定欣罵她着舊鞋及八婆。

2009年,定欣被發現與無綫男藝人梁烈唯行街,而唯唯當時更幫她提戰利品兼做「柴可夫」,二人過從甚密,因而傳出緋聞,不過他們都否認戀情。而今年2月,馬國明自爆與定欣在2010年演出節目《舞動奇迹》時撻着,但最終因性格不合,在拍拖一年後和平分手。

arrow
arrow
    全站熱搜

    tvb4life 發表在 痞客邦 留言(0) 人氣()