6/10秦沛女 Lesley
楊政龍雖然只得 25歲,比 Lesley細 1年,但因為 2人同樣喺外國讀書,鬼聲鬼氣,外形都算幾襯,不過拍拖連阿哥都唔講,姜麗文都幾口密。

FBI

華姐出局 奀星冧掂楊受成細仔

2012年10月17日 ~~ 第282期 Face

英皇主席楊受成細仔楊政龍前排同前華姐倪晨曦、苟芸慧開船 P, FBI都以為楊政龍咁識食,專食選美靚女,但原來楊政龍 嘅正印女友另有其人。

前週六( 6日), FBI喺跑馬地撞到楊政龍同倪晨曦成班 friend。當晚楊政龍揸住架約 60萬 嘅 GT-R,泊 咗 喺街,成班人落晒車企街吹水,吹 咗 15分鐘,突然有個女仔 喺 GT-R落車,原來係秦沛嘅寶貝女,做過主持出過碟、最近同阿哥孖住過檔王維基 CTI嘅姜麗文( Lesley)。當日見佢同楊政龍好鬼 sweet,男方仲當街幫女友捏膊頭鬆骨,之後 Lesley就上番男友架車走人。 FBI之後打過電話畀 Lesley阿哥姜文杰,問佢知唔知阿妹同楊政龍拍拖啦,佢話︰「唔知喎,我同阿妹呢排好少見面,我幫你問吓佢……。」睇嚟秦沛女真係大有機會做下一個億萬新抱。


當街揼骨
企街吹水期間,楊政龍忽然幫女友 揼骨,其他朋友都好似見慣晒咁,真係好 sweet。


姜麗文、姜文杰老豆係老戲骨秦沛。 2010年,原本喺日本 NHK台做兒童節目主持嘅 Lesley回港,孖住阿哥自資造獨立音樂,以 Benji and Lesley組合闖樂壇。兩兄妹同老豆關係超好,不時上載全家福相上微博。網上圖片


好服侍
吹完水離開,楊政龍好有風度幫女友開車門,雖然兩人都冇俾途人認出,但架辣車 GT-R就好揚囉。


同朋友吹吹吓水,楊政龍突然抱住朋友隻小狗企出馬路,嚇到成班 friend𠵱嘩鬼叫。想嚇死隻狗咩?而倪晨曦就企喺路邊陪笑。


穿煲狗
10月 6號晚俾 FBI撞到佢哋喺街吹水,原來當日日頭楊政龍就去咗開船 P,當日船 P姜麗文都 喺船上,但刻意避開上鏡,只 喺微博上載一張狗相,話同朋友出海。而呢隻狗仔,同楊政龍當晚喺街抱住嗰隻係一模一樣。

華姐煙幕


暑假期間楊政龍搞船 P,倪晨曦、苟芸慧及韓模蔡恩真都 喺船上面,但原來佢地都只係煙幕。


網上圖片


網上圖片

撰文、攝影: FBI

arrow
arrow
    全站熱搜

    tvb4life 發表在 痞客邦 留言(0) 人氣()