出生於生意世家、現為恒生銀行創辦人何善衡孫新抱的何倍倩，既為護膚品牌行政總裁，又是兩歲兒子Lawrence的母親，兼顧事業與家庭游刃有餘，卻絕非因有豐厚的家財、顯赫的背景，她強調：「我不嬲唔鍾意太花巧嘅嘢，買衫畀囝囝最緊要易洗、舒適，而唔係周身名牌，揀奶粉都係，最緊要啱BB食；最重要符合囝囝嘅基本需要，樣樣嘢平實啲最好，我諗我個仔就唔會因家庭背景而有壓力。」

正如何倍倩，不太希望別人稱呼她是「恒生新抱」，她要以實力取勝，自己如是，兒子亦如是。

被冠上「恒生新抱」外號的何倍倩，不僅是護膚品牌ZENSATION BEAUTE的行政總裁，還是兩歲兒子的母親，家庭事業兩得意。

何倍倩於○五年九月下嫁恒生銀行後人何乃斌，兩人的愛情結晶品於○九年十月底出世，一家三口幸福滿瀉。

自由發展

畢業於加拿大多倫多大學經濟系的何倍倩，返港後隨即創立護膚品牌ZENSATION BEAUTE，至○五年九月與恒生銀行後人何乃斌結婚，她仍然堅持有自己的事業，從來不受「恒生新抱」稱號所拘束。

何倍倩與何乃斌的愛情結晶品Lawrence於○九年十月底出世，本以為出身於顯赫世家，兒子必定自小備受嚴格培訓，誓必要成為未來社會的領袖、名人社交圈的耀目新星，何倍倩卻強調兩歲多的兒子沒有受壓，一切順其自然，自由發展。

「囝囝性格比較靜，係屬於穩陣觀察型嘅，我初初都擔心佢咁細膽，第時考學校會唔會有影響，你知依家面試要過五關斬六將，啲爸爸媽媽操到啲小朋友好fito架嘛。不過，我諗通咗，如果我愈逼佢，佢可能愈驚，愈唔肯講嘢表達自己，咁樣就會營造咗一個好緊張嘅環境畀小朋友，令佢更加收埋自己。所以，我唔會逼囝囝，只會畀一個好開心舒適嘅環境佢，佢自然就會願意表達多啲。」

何倍倩慶幸自己做生意，工作時間有彈性，能分配出來照顧兒子Lawrence。

何倍倩將手機的wallpaper設定為兒子的照片，好讓她在工作的時候，也可隨時隨地看看心肝寶貝。