現正為無綫拍攝賀歲劇《初五啟巿錄》的郭羨妮（Sonija），無綫原本有意再邀她演出由徐正康監製、視帝陳豪與黎耀祥擔綱新劇《傳愛事務所》，同劇有陳法拉、馬賽、謝雪心等，不過有女萬事足的Sonija不為所動，決定拍完《初》劇後「休市」陪女兒過首個聖誕。據知，雖有高層親自致電給她洽談拍劇事宜，但都遭她婉拒。
不想劇接劇
記者致電Sonija，問是否辭演《傳》劇時，她直認有高層曾致電給她，不過因為自己拍《初》劇已很疲倦，而且兩劇的拍攝檔期緊接，故才推演。她謂：「都好攰，呢排好啲。之前日日開工，我都考慮到自己嘅情況。衡量過，如果拍完呢套可以抖一個月先拍都可以，但既然自己都畀唔到好嘅狀態，就唔係咁想拍。」提到《傳》劇個個演員都是好戲之人，Sonija坦言：「我知！都好可惜，個個都係好嘢嚟！」
據知，《傳》劇最初屬意邵美琪演出，之後改由Sonija頂上，如今Sonija為湊女推劇，再邀伍詠薇執三攤演出。伍詠薇接受電話訪問時表示：「其實執幾多攤都冇所謂，只要角色適合，加上有兩位強勁人馬合作，黎耀祥、陳豪都係視帝，求之不得啦！而且我同法拉又好熟，今個劇有佢，所以我都好想拍。」
郭羨妮希望陪愛女過聖誕，就算劇本再好亦會辭演。（資料圖片）
全站熱搜
留言列表
