拍攝《喜愛夜蒲 2》時，關楚耀和 Shiga真係交足戲， Shiga仲出腿夾實關楚耀，正常男人，好難冇反應。
封面
3個月前硬撬 姊妹反目 關楚耀前度數臭連詩雅道德低
關楚耀（ Kelvin）與衞詩分手後，二人感情生活各有着落，關楚耀與拍拖 2年的圈外女友 Megan Lee，已達談婚論嫁階段，直至今年 7月忽然戀情轉淡，關楚耀一直封口不提，原來另有內情。
據知， Megan認識關楚耀後，再認識了連詩雅（ Shiga），二人更極速成為好姊妹， Shiga更是 Megan和關楚耀的密友，但早前關楚耀同 Shiga拍攝《喜愛夜蒲 2》時，關楚耀和女友開始感情有變，連與關竟由知己變情人，二人秘密撻着 3個月，近日開鋪獨立的 Megan最近才知情並心死退出三角關係，仲忍唔住在微博數臭連詩雅「道德低」！
上年 9月，關楚耀同 Megan拍拖行超市，公開戀情後，兩人都不避嫌拖手出街。據知關的父母亦很喜歡 Megan，今年初二人更曾經考慮結婚。《壹週刊》圖片
大難臨頭各自飛，關楚耀與衞詩於日本被捕後，便宣告分手；男方比較幸運，得到唱片公司支持，繼續活躍樂壇，有歌唱亦有戲拍，前年更認識圈外女友 Megan，關楚耀罕有公開女友身份，見大眾接受，關楚耀更表示有意成家立室，又主持烹飪節目，全面營造住家好男人。
片場密密傾
7月尾拍完《喜 2》，關楚耀和 Shiga不時和工作人員慶功，整整 2個月，朝見口、晚見面，撻着唔難。
知情人士說︰「 Kelvin同 Megan拍拖之後，再經應昌佑介紹下，就群埋 Shiga一齊玩，成日一班人去蒲，由中環蒲到去灣仔，不過 Shiga後來負面新聞太多，公司下令唔畀再蒲，佢先消失 咗一排。後來接拍《喜愛夜蒲 2》，又重遇班蒲友，當時 Kelvin同 Megan成日鬧交， Shiga係 Megan好姊妹，初時都有勸交 嘅，但後來 Kelvin愈來愈少搵 Megan， Megan搵親 Kelvin，佢都話拍緊戲，但其實 喺片場陪住 Shiga。」
今年 7月，關楚耀陪 Megan到迪士尼， Megan原本打算二人世界，但後來關楚耀又叫晒班 friend玩再直落 Volar，令 Megan更加心淡。
數臭「大明星」
由好姊妹變情敵， Megan火遮眼，不時在微博發聲，除了數臭「她」外， Megan更與友人高談闊論「大明星」，又話呢位曾經是好姊妹，曾在她的時裝店開張出現。話邊個？好明顯啦！
今年 2月， Shiga更幫 Megan慶祝生日，兩姊妹以 BB雙稱，當時感情好到不得了，仲影埋合照放上微博。
雖然成為感情輸家，但 Megan仍然於微博關注關楚耀和 Shiga，態度大方。而關連撻着之後亦保持低調，唔敢張揚。
13/10
本月 13日， Megan於微博數臭第三者後，繼續跟友人不斷討論，更爆第三者是「大明星」。
好勝踩場
Megan位於銅鑼灣的時裝店上月開張，搶了好姊妹男友的 Shiga仍厚面皮到場支持，更在玻璃門上簽名。
心死退出
網上圖片
Megan在去年哈囉喂，穿上性感造型氹關楚耀，可惜最後男友卻搭上好姊妹， Megan惟有心死離場。
上年疑似偷食
去年 11月，關楚耀突然在微博寫懺悔書，又承諾以後會好好對待 Megan，又表示自己做錯很多事，求女友畀機會，豈料愈錯愈深。
Megan的 facebook最後上載，是和關楚耀今年 7月拍拖去迪士尼，之後就沒有再 update，而她和 Shiga亦不是 facebook friend。網上圖片
濕身拍出火
有指 Megan知道這場濕身狂攬戲時，同關楚耀炒大鑊，不過關楚耀同 Shiga戲外戲內都當 Megan懵，每次女友呷醋，關楚耀都只說︰「拍戲 啫！」
Shiga本以玉女形象戰樂壇，但率先被本刊踢爆，早過「餅碎」 Miki做「小三」，戀上有婦之夫永安太子郭永淳；再被揭 16歲時與 rap友曲赤拍下大膽慾照，又喜愛夜蒲，煙酒不離手。
純情形象受挫，惟有豁出去，一連接拍 2集《喜愛夜蒲》做慾女。知情人士說︰「 Shiga同 Kelvin本來係知己，咩話題都講 㗎！拍《喜 2》時有一場濕身戲，拍完真係拍出火，後來電影宣傳、再合作一套微電影，朝見口、晚見面，大家都心照。 Megan終於頂唔順向關楚耀提出分手，亦開始疏遠 Shiga，但係 Shiga做咗小三都仲可以扮到若無其事咁，到咗 9月Ｍ egan銅鑼灣間時裝店開幕， Shiga都有去支持。 Megan表面上無發出嚟，但私底下就同班 friend猛咁呻。」
1/10鬼祟入後台
國慶當日， Shiga和 Dear Jane在九展開騷，據聞關楚耀秘密到場，仲入埋後台探班添！
《喜 2》撻着
蒲得又飲得的 Shiga，與關楚耀拍《喜 2》時好啱嘴形，即使拍完一個場口，兩人都依然雞啄唔斷。
少爺仔 Vs劏房妹
關楚耀
關楚耀父親關維麟（小圖）是環球唱片前身寶麗金的亞太區製作總監，當年鄧麗君及許冠傑等巨星神話，都是關父一手締造。關楚耀的大伯是泰迪羅賓、契爺是譚詠麟，自小在巨星堆內成長的他一直衣食無憂又在加拿大留學後回流。關父曾於 94年以 2千萬買入半山梅道豪宅，但於 96年蝕 2百萬轉售。現時關父已經退休，一家人居於月租約 5萬元的天后廟道豪宅維景台，關父關母名下已無任何物業。
關楚耀是譚詠麟契仔，父親曾是阿倫的唱片監製及唱片公司高層，身份和家底都相當不錯。
《蘋果日報》圖片
連詩雅
年幼時父親是生意人，母親在加拿大領使館做翻譯，連詩雅又是家中獨女，自細受盡父母寵愛，家住九龍塘、讀貴族國際學校英皇佐治五世學校。直至十六歲，父親失意失敗，父母婚姻破裂，連詩雅大屋搬細屋又變單親家庭問題少女，更年紀細細便身兼模特兒、英語翻譯及幼兒教師三職幫補家用。早前更被拍到居於品流複雜的銅鑼灣 劏房大廈。
歌影發展的 Shiga，雖然多次被爆醜聞，但深受高登仔愛戴，不過出道 2年，仍然住在劏房大廈，要飛上枝頭真的不容易。
急色男女
關楚耀兩年前同港女 Megan拍拖後一直自稱遇到真愛修心養性，連詩雅就話事業為重擔保兩年內絕不拍拖，結果情史不嬲豐富嘅兩人一再合作咪又係一撻即着！
開鋪療傷
本週一，記者曾往 Megan位於銅鑼灣東角駅的時裝店，問她對於男友被好姊妹強搶感受， Megan卻話：「我仲係同緊 Kelvin一齊！」看來 Megan仍未能真正放得低。
關楚耀
06年
出道當年即與同年度新人衞詩傳緋聞，兩人地下情直到 09年日本藏毒案爆煲正式分手。《忽然 1周》圖片
08年台模 Mika
當年台灣集郵模 Mika連爆多張與港台男星親密照，包括陳冠希、棒棒堂小煜及關楚耀，不過關楚耀就否認曾與對方拍拖。網上圖片
10年港女 Megan
藏毒案後一年結識港女 Megan，關楚耀一直表示自己成熟戒蒲、與女友關係穩定又感激女友陪伴自己度過人生低潮。網上圖片
連詩雅
04年郭永淳
少女初長成即愛蒲愛玩又扮成年出入夜場，初戀男友是年長 12年的已婚永安太子爺郭永淳，自稱當年在不知情下做小三。網上圖片
05年曲赤
與 DJ曲赤親密照流出後，開記召承認 16歲時曾與對方拍過拖兼「搞過」。網上圖片
12年周柏豪
早前傳因為合拍微電影咀出愛火花，經常要求周柏豪車出車入。不過據知柏豪只當連詩雅是細妹看待。
關楚耀公司認分手
今個月 13號， Megan於微博轉發朋友一段文章，再寫下一篇「論文」，矛頭直指一位女性「大明星」友人貪圖名利，更主動挑逗男生，火氣十足。
其實，關楚耀和 Megan分手後，有人曾勸他要把關係搞清楚，才開始另一段關係，身邊好友亦幫忙封口，以免令關楚耀變負心漢。本週一，本刊分別致電給關楚耀和 Shiga，先問關楚耀是否與 Megan分手，他說︰「呢 啲唔回應喇！（同 Shiga拍戲撻着？）做戲 啫，同 Shiga識 咗好耐，冇 feel囉。（知唔知 Megan喺微博唱衰 Shiga？）呢啲我唔清楚！」而 Shiga就被問到口啞啞，她聽記者問起是否跟關楚耀拍拖 3個月，便支吾以對︰「唔係呀……我同佢冇咩 嘢講。（有傳你令 Kelvin同 Megan分手？）我只可以講咁多，其他我唔回應 㗎喇。」關楚耀經理人再致電記者補充：「佢哋（關與 Megan）的確係分咗手，係因為性格不合。唔想拖其他人落水！」
29/10
本週一本刊在 Shiga銅鑼灣劏房大廈住所等候。下午 5時多，戴上口罩的 Shiga步出大廈，表示自己「趕住去買嘢」，仲話有問題就問番佢經理人喎。
翻撻王愛倫仔
留言列表
