鄧健泓（ 38歲）先後換過三部車，自兩年前與龔嘉欣（ 23歲）拍拖，已多次被目睹駕車從 TVB接送女友回荃灣新居。《忽然 1週》圖片
真面目
先落訂 心急娶嫩妻 鄧健泓買車樓箍龔嘉欣
38歲鄧健泓同 23歲龔嘉欣拍拖兩年多，感情穩定，兩年前已搬到男方荃灣樂悠居愛巢同居，近日鄧健泓再以 40萬買 mini新車，載埋女友齊齊返 TVB拍劇， sweet到痹！
據知鄧健泓買樓買車 氹嘉欣，都是為了下年娶女友過門做好準備。中佬拖嫩女，梗係要快手落訂箍實啦！
鄧健泓（ Patrick）與龔嘉欣前年拍《隔離七日情》撻 着，當時已雙雙搬入深井碧堤半島同居；兩年前 Patrick為 冧女友，以 290萬購入荃灣樂悠居 500多呎單位繼續二人世界，現已升值至 350萬。上月 Patrick更因為女友喜歡 mini新車款，索性將舊 mini賣掉，以 40萬買新車，接送女友返 TVB。
前年鄧健泓以近 300萬購入荃灣樂悠居 500多呎愛巢，與女友同居，將女友完全私有化，愛巢現市值 350萬。《壹週刊》圖片
上月中以近 40萬買了紫色新 mini，只為氹女友開心。
2年即結
兩年前鄧健泓與龔嘉欣拍《隔離七日情》撻着，新劇《初五啟市錄》兩人再次合作，已到談婚論嫁地步。
女友多劇
龔嘉欣近年受無 綫重用，早前在《天梯》演出，又等《金枝慾孽 2》播映，難得拍拖冇影響人氣，排定期差唔多啦！
「想同佢結婚！」
據知情人士透露，大女友 15年的 Patrick急於娶妻：「 Patrick就快 40，女友咁後生又多人追，梗係想快 啲娶佢過門費事俾人撬走啦。自從 Patrick出咗部新 mini後，已經成日車女友開工收工，全天候做司機咁滯。 Patrick好想出年結婚，佢仲計劃出年結婚就即刻造人，想 40歲前做埋老豆！」
雖然 Patrick急於拉埋天窗，但都要女友應承至得，龔嘉欣早前回應時亦冧晒：「買車買樓呢 啲只係物質上 嘅 嘢，有時佢（ Patrick） 喺公司買個飯盒我食已經令我好開心！係有結婚打算，我都想同佢結婚呀，我想 30歲前結婚生仔 㗎！結婚 嘅話會低調 啲，或者 喺外國結啦。」嘉欣都認定嫁你咯， Patrick淡定啦！
前度李詩韻溝富豪
鄧健泓曾與李詩韻拍拖 4年多， 09年分手，對於舊愛結婚在即，李詩韻上週五回應時表示：「冇乜同佢（鄧健泓）聯絡，如果佢結婚就恭喜佢 哋啦，係開心事！但佢冇親自同我講，佢同我講至再回應啦。」
主動出擊
與鄧健泓分手後，李詩韻多次被傳有意溝富豪，去年底被拍到夜蒲蘭桂坊，有傳同場還有鄭志恆、林忠豪等一班富二代。《壹週刊》圖片
冇乜聯絡！恭喜佢哋！真實對白
李詩韻與鄧健泓拍拖時曾合作拍劇，更高調以情侶姿態宣傳。《壹週刊》圖片
留言列表
