FBI
鄧麗欣聖女巫遊街
今個月 15號過 咗 29歲生日 嘅 Stephy鄧麗欣，因為男友方力申 喺上海拍劇，遙控安排 咗個生日會畀女友補數；而呢個星期萬聖節，小方又唔 喺香港， Stephy又要搵班好姊妹開 P喇！
上週四（ 25日）， FBI喺尖沙咀海運撞到 Stephy同女助手，一落車就入 咗玩具反斗城，左搵右搵行 咗幾個圈，原來 Stephy搵緊女巫袍， FBI聽聞 Stephy同班好姊妹 Kary、 Miki等，打算化行妝、扮鬼扮馬踩落中環，大家當晚去蒲 嗰陣，留意吓 Stephy喺唔 喺附近啦！
每逢生日、大小節日， Stephy都會約埋 Kary同 Miki開 P，今年萬聖節，男友唔 喺香港， Stephy都不愁寂寞。呢日佢就孖住助手去玩具反斗城買女巫袍， 29歲女一樣爛玩。
一邊行， Stephy全程講住電話，應該係同人商量緊扮咩造型，直到行到去收銀處先肯收線。
Stephy揀完戰衣就嗱嗱臨排隊畀錢，助手就負責幫佢揸住件女巫衫。
FBI喺尖沙咀撞到 Stephy之後幾日，就喺中環 ifc撞到 Miki買雪糕食，見 Miki咁悠閒，似乎一早買齊萬聖節服裝扮鬼。
行完玩具反斗城，助手帶 Stephy去食雪糕，不過 Stephy怕肥，食 咗一啖就唔食，助手只好食佢口水尾。
前排 Stephy出席《天生愛情狂》首映，講到同小方經常分隔兩地，怕唔怕男友被人乘虛而入？ Stephy即刻話非常信任小方，仲笑到四萬咁口。
全站熱搜
留言列表
