杏兒架百萬 Ben跑盛傳係黃宗澤年頭送嘅箍煲禮物， 2人雖然分 咗手，不過杏兒就仲 keep住揸呢架箍煲車。《蘋果日報》圖片
FBI
胡杏兒失魂犯法
個個都話女人狠起心上 嚟特別絕情，你唔好唔信呀，胡杏兒咪人辦囉！年頭斬纜同黃宗澤 8年情，跟手就用 1,600萬買郝德傑山豪宅，極速搬離兩口子曾經女上男下 嘅沙田晉名峰愛巢，對多一秒都費事囉！
分手一乾二淨， FBI發覺精甩邊 嘅杏兒做漏一樣喎！就係未同運輸署申報更改黃宗澤送畀佢部 Ben跑 嘅地址。法例規定，地址如有變動， 72小時內就要向運輸署遞交，杏兒搬 咗一段時間都未做 嘢喎。冇事尤自何，唔好彩超速違泊俾警察發現未改地址，隨時被檢控㗎！
今個月 19日， FBI發現胡杏兒揸住黃宗澤送嘅 Benz跑返回郝德傑山。杏兒除咗未轉地址，佢早排仲同記者講自己未知幾時搬得，可能 11月後，講大話喎！
分手後杏兒失魂、拍緊劇集《好心作怪》嘅 Bosco就暴瘦，一向玩得嘅 Bosco，估唔到咁 hurt喎呢次！
全站熱搜
留言列表
