FACEweekly

女力樂壇攻略　 Super Girls

2012年10月31日 ~~ 第284期 Face

從前香港樂壇有 Cookies，跟住有女生宿舍，熱烈地彈琴熱烈地唱，到近年都一直沒有好一隊女子組合出現。韓風滲入後，香港女子組合一隊又一隊重燃，要消化不是一朝一夕事，要突圍跳功、舞功高之外，最重要當然睇得，今天的 Super Girls位位做過模特兒， 5位長腿美女唔講得笑，曲風更宣揚 girl power，秒殺男女粉絲。

Aka趙慧珊




身高： 5'7"誕生日： 2月 15日（水瓶座）
擇偶條件：如果自己係男仔，一定會揀容祖兒。 

事業篇：空姐都唔做


5位成員來自五湖四海，不約而同是 Jam Cast旗下的模特兒，「公司有很多 talents，於是計劃組成女子組合，我們從約 100位當中挑選出來。」位位性格不同，有文靜的 Yanny、好動的 Cheronna等，更有決心高的隊長 Aka，放棄當前工作，毅然投入組合，「未入隊前我係專業資格教芭蕾舞，因為好鍾意唱歌，決定一試。」隊員 Jessica更放棄國泰空姐高薪一職，「好多人會覺得呢個係夢想職業，但我真係好鍾意表演多過 serve客。雖然大家都唔知會發展成點，但決定了就要用盡全力做。」 𠵱家 girl power唔睇小得。

Yanny陳穎欣


從未試過遇到如此熱烈招呼，一見 Super Girls就排成一線打招呼，宅男見埋 10隻長腿定必招架不住。 11月中推出首張大碟《超女時代》就大騷長腿。

身高： 5'5"誕生日： 12月 22日（山羊座）
擇偶條件：心地好、有才華，最好是方大同類型。 

友誼篇：一齊食 yogurt


5月正式出道，一開始大家工作時先見面，「直到簽了星煥唱片公司，要真正出碟，要出埠如廣州開騷，就開始驚，開始怕發台瘟連累大家，那時先真正關心對方，因為大家也很緊張前途。」成員 Heidi更是唯一要讀書的（正修讀 HKDI時裝形象設計高級文憑 final year），「好在一星期返 3日，放學要趕去練歌，放學先有時間溫書。」把握時間很重要，但享受隊中友誼更珍貴， 5位訪問間你一言我一語，非常好友，原來大家最愛食 yogurt，「放工後大家最愛食 green tea yogurt，上面要加好多好多棉花糖。」各大 yogurt公司，有冇興趣搵代言人？

Heidi李靜儀


身高： 5'6"誕生日： 2月 27日（雙魚座）
擇偶條件：高高瘦瘦，要專一，理想對象是韓國影星元斌。

Cheronna吳嘉熙




身高： 5'4"誕生日： 12月 17日（人馬座）
擇偶條件：要 sporty，可以一齊玩水上活動． 

粉絲篇：女粉絲好啲


新碟未發售，已推出單曲如︿ Be My Love﹀、〈話愛就愛〉等，歌詞如「敢愛我請講出來　講不出口也要寫出來」大談 girl power， Super Girls有統計過，男女粉絲各佔一半，咪以為係男仔至鍾意，「隊名話到明，女仔可以好 super，而且要女 fans接受我們全女班，也不是一件易事。」成班靚女出席活動，梗有癡心男粉絲，難得初出道的 Super Girls也不怕癡，更全程維護，「佢哋係錫到我哋燶就真，有位男 fans煲埋剪咗腳甲的雞腳湯畀我哋飲，真係好 sweet。」隊員 Cheronna及 Yanny更試過隨便口講想要毛公仔，第日就收到男 fans自己手織毛公仔。請問幾時組合 Super Boys，我都想參加呀！

Jessica亞


身高： 5'5"誕生日： 11月 15日（天蠍座）
擇偶條件：踏實，任賢齊是其一。 

撰文：陳家豪
攝影：葉曉明
化妝： King Ip
髮型： Jonathan Shum、 Calvin Tsoi@HAiR

arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄