No.1拉麵$98
配菜包括紫菜、喬菜、木耳、蔥粒、半熟蛋及叉燒等，叉燒也有兩種，一款豬腩肉，肉身肥美，另一款則是豬肩肉，豬味較強。

潮𡃁便當

拉麵新店停不了

2012年10月31日 ~~ 第284期 Face

近 4個月來，香港人可樂了，無論大小商場，還是橫街窄巷，都可發現新拉麵店的足跡，口福不絕之餘，一場又一場拉麵戰役，現在開始！

絕密醬油秘方
No.1拉麵

來自日本福岡的過江龍長浜 No.1拉麵，在當地已有 40年歷史， 8月在港首開分店，由日裔山崎先生及其妻子 Leslie主理，更專誠由當地請來拉麵師傅山崎先生進駐。豬骨湯底的靈魂所在：醬油，更是日本長浜 No.1與山崎先生事前協定必須保密的秘方，加入之後拉麵湯底會變得更加鮮香，這道秘方甚至連 Leslie也不知道。玉子拉麵及 No.1拉麵，乃店內大賣作品，後者分量最大，店內人氣之選，最多日賣 70碗。

玉子拉麵（硬麵）$82
半熟蛋呈橙黃色，液中帶膏，入口軟滑甘香。麵身細長，有掛麵效果，入口有嚼勁，湯底濃郁。

極辛拉麵$80
放入炒過的芽菜及叉燒粒增強香味，湯底方面則用上豬骨、一味粉及辣椒等材料，惹味香辣，每日限定 10碗。

燒酌$40/杯
相對清酒，燒酌在日本年輕人之中更為流行，由於以蒸餾方法製作，不含熱量，卡路里較低，女士們也愛，仲可以溝埋烏龍茶一齊飲。

House sake
(300ml)$98
福岡的長浜 No.1拉麵以屋台(即大牌檔)起家，提供酒類飲品，而這隻 house sake，入口較辣。

店主兼師傅山崎先生
來港 7年，多年前與太太 Leslie去過福岡的長浜 No.1拉麵後，深受其拉麵及「屋台」設計所吸引，所以千方百計與日本長浜 No.1商議取得特許經營。

食客 Matthew
呢度嘅玉子拉麵好食，所以再嚟。
食客 Nick

長 No.1拉麵

地址：中環九如坊 14號地下
電話: 2323 6115
營業時間： 11:30am-3:00pm

最大豚王新店限定拉麵

豚王中環、銅鑼灣店大熱，日日排長龍，原來新店最近已在尖沙咀悄悄立戶，面積更大，有 1,500方呎，繼續以豬骨拉麵作主打，湯底用上 50斤豬骨，只限定做 300碗，製作需時整整 1天，但卻不會留過夜，寧願每日再整，保持新鮮。除此之外，店鋪仲喜歡玩新鮮，每週設計一個限定拉麵，午市、晚市各賣 20碗，通常 1小時內沽清，手快有手慢冇！

限定王：胡椒拉麵$90
加入大量黑胡椒粒，香味撲鼻而來，湯底極濃，杰身，伴熱湯入口，微微帶辣，在喉頭長久不散。

豚王$90
湯底呈奶黃色，入口濃郁，帶油分，層次豐富。叉燒薄身，但柔腍多肉，幾近入口即化，豬肉香四溢。

黑王$90
拉麵中間的球狀物乃免治蓉，由人手搓成，內加入墨魚汁及黑蒜，混在豬骨湯中伴麵吃，墨魚鮮味、蒜蓉惹味及豬骨味合而為一，味道極為豐富。

師傅阿 Ben
為咗保持新鮮感，日本人甚至一年 365日都有新拉麵推出，我哋每星期諗一款新拉麵，都係想仿傚當地做法，等客人體驗到日本人食拉麵嘅習慣。

食客 Kaka
銅鑼灣店成日要排隊，所以聽到呢邊開咗新店，就過嚟試吓，呢邊無咁多人。

豚王

地址：尖沙咀棉登徑 28號錦榮商業大廈地下
營業時間： 11:30am-11:00pm（星期日休息）

澳洲西冷
和牛湯底

去過東京一蘭都知道座位設計成一人一格，勁玩自閉，不過倉吉雖然格局形似，但老闆葉先生說，該店設計靈感其實來自一間日本燒肉店，加上多年前在鳥取得到和牛拉麵食譜，所以決心經營以和牛為湯底的拉麵。店鋪最大賣的和牛神拉麵，選用 4歲大的澳洲西冷牛，貪其牛味濃郁，湯底則用上牛不同部位例如牛骨、牛大腿、牛背、牛筋及牛尾等熬製 12個小時而成，務求令層次更為複雜。

和牛神$92
選用澳洲 M5西冷牛肉，肉身只煮至 3-4成熟，再以濃湯灼熟，入口牛味濃郁。

青神(配豚骨湯底)$68
將有機菠菜烚熟後打碎做成菠菜蓉，食前可先呷一口豬骨湯，再將菠菜蓉化在湯中一齊食用，湯底立時變得醒胃不膩。

師傅阿星
落和牛之前，通常都要汆走血水，用 32吋嘅電煲以 80°溫水將湯底熬兩日，期間我亦要不時留意湯底，咁先做到好味嘅和牛湯。

師傅阿星
落和牛之前，通常都要汆走血水，用 32吋嘅電煲以 80°溫水將湯底熬兩日，期間我亦要不時留意湯底，咁先做到好味嘅和牛湯。

全店均以自助形式出售拉麵，客人可先在此機前選擇食乜。

店內裝有感應器，只要一入座，門外感應牌的燈光就會立刻熄滅，方便嚟到的客人知道有冇位。

倉吉拉麵

地址：尖沙咀彌敦道 36-44號重慶大廈活方地庫 8號鋪
電話： 2723 0393
營業時間： 11:30am-10:30pm

玩暗號
食神秘拉麵

受母親在尖沙咀、銅鑼灣等地開設有名拉麵屋一平安的影響，蒲谷兩兄弟 2個多月前開設了拉麵 Jo。不同的是，兩兄弟開的是日本最傳統、專做拉麵的地道小店，客人由進入店鋪、點餐、用餐到離開，可能不過半小時，貫徹日本人高效率的精神。拉麵 Jo每星期都會提供一個 Secret menu，只要識得在 menu的左上角處圈上一圈，師傅看到暗號，就會奉上 unknown拉麵，勁玩神秘！

Secret拉麵：炙魔拉麵$78
最特別是加入質感像台灣鹵肉的麵豉豬肉，材料包括唐辛子、蝦米、醬油、豬免治及豬背脂等，令湯身辣中帶鮮，配埋熱湯，辣味悠久。

味噌拉麵$78
湯底選用北海道味噌及其他秘製材料熬製 16個小時而成，濃而不膩，不怕食到口渴。

山(野菜)拉麵$88
山拉麵，在日本非常流行，主要加咗椰菜、芽菜再加埋秘製豚骨豉油煮成。

味噌拉麵$78
豬骨湯入口鮮味濃郁，湯身微微帶杰，富有層次。叉燒肉身長薄，有別於坊間方圓形狀，並帶少量肥膏，加上炸過的芝麻，入口惹味富油香。

師傅
佐藤先生
整炙魔拉麵嘅麵豉豬肉最考功夫，因為小小嘅麵豉蓉，就可以帶起整碗麵嘅味道。

食客 Natashia
我住香港仔，上星期六食完之後好掛住呢度啲拉麵，今日再嚟食過！