周汶錡讚杜德偉婚照得意周汶錡唔敢去飲 @ TVB娛樂八掛週刊雜誌大分享☆

讚杜德偉婚照得意周汶錡唔敢去飲

周汶錡指自己婚事和杜德偉太近，喜事相冲，不會去飲。

下月圈中喜事多，霍啟剛及杜德偉1111同日結婚，杜德偉婚照大玩50年代懷舊風，在港台兩地擺酒。上月法國結婚的周汶錡，表示沒收到舊愛杜德偉的請帖，因為兩人婚期太近，傳統上相冲，所以不會出席，但不忘大讚杜德偉的婚照得意有趣。

周汶錡和Jessica C.等前晚在中環出席fashion TV活動，上月和富貴老公Julien在法國結婚後，周汶錡一直密密工作，她謂沒想過蹺埋手做少奶奶，她說：「每個人都有唔同階段，婚後要工作，生完仔都可以工作，唔係就會out，現代女性呀。」

杜德偉和女友Ice Lee的婚照大玩五十年代懷舊風。　資料圖片

（右起）Jessica C.、師妹Angie Ng及何紫綸全黑短裙現身。唔補影婚照

舊愛杜德偉與比他年輕24歲的嫩妻Ice Lee下月結婚，早前婚照曝光，杜德偉和女友大玩50年代懷舊風，杜德偉梳蛋撻頭扮飛仔，周汶錡表示有看到：「好得意呀，有睇到，幾懷舊，唔係傳統嘢。」她和Julien的似乎更傳統，她說：「我都冇影到，我嗰啲唔係真正企定影，係現場相，不過唔會補影喇，另一半又唔係藝人。」不過，她不忘祝福杜德偉，更說：「真係影得好得意。」

自言好迷信

問有否收到杜德偉的結婚請帖？周汶錡說：「冇呀，唔可以出席，會撞呀，冲喜！」她指婚禮之間要相隔三個月，自己結婚和杜德偉只是差兩個月：「冇帖呀，我都唔會去，我好傳統、迷信，不過其實佢哋係幾時？」同場Jessica C.則例牌性感谷胸，表示穿透視裝有少許尷尬，又踢爆Ana R.和男友在外地過甜蜜生日。
杜德偉和霍啟剛一樣將在下月11日結婚，杜德偉在深灣遊艇俱樂部結婚，下午簽紙，晚上擺酒，星級伴郎團有梁朝偉、鍾鎮濤和呂方等，之後會到台灣於下月20日在當地君悅飯店再設婚宴。
採訪：林嘉慈　攝影：陳慧安

周汶錡認傳統拒赴舊愛婚禮

名模周汶錡與Jessica C.前晚出席活動，周汶錡被問何以婚後更活躍公開活動？她笑謂：「自己係模特兒，都會去啲時裝活動。（唔使陪老公？）一陣會食飯。結婚係好普通，生咗仔都可以做嘢，唔做會好out。」

周汶錡坦言不會因已婚而減少工作。