江美儀與吳君祥拍拖七年,表面風平浪靜,原來男的背住佢偷食。

探熱針

黐食黐住 江美儀同居男友仲去滾

2012年11月22日 ~~ 第1185期 香港《壹周刊》

《名媛望族》的江美儀做人三奶,還要忍受丈夫劉松仁繼續四妻五妾;而現實生活中,與她拍拖七年的同居男友吳君祥(吳君如胞弟),亦唔見得好,除 咗住嘅家姐,食嘅女友,還背住江美儀沙沙滾。趁「正印」飛巴黎拍劇,他即出動偷食,對象竟然是靠走光出位的中女嚴淑明,勁重口味。
四十三歲的江美儀得悉男友在夜店嘴女,選擇逆來順受,「我當佢應酬 啫!」

餵食嘢


江美儀對外聲稱同男友拍拖七年無癢,其實吳君祥一早身痕。有指他不時趁女友通頂拍劇好時機,到銅鑼灣一私竇酒吧攬女,你有你捱,我有我滾。早前《名媛》熱播,江美儀忙於為劇集做宣傳,明白女友有劇出街會成傳媒焦點的吳君祥,亦乖乖守行為,晚晚交人陪女友;直至上週日(十一月十一日),趁江美儀起程飛巴黎拍攝新劇《衝上雲霄 2》,吳君祥「放監」!
上週三(十四日)傍晚吳君祥離開寓所去觀塘,與江美儀聯名開設的娛樂公司,拉了兩個同事,幫手「偷食」行動做掩護,原來吳君祥約了同樣是中女的嚴淑明,到銅鑼灣一間意大利餐廳晚餐。
雖有兩名男子在場,但吳君祥旁若無人,親手餵嚴淑明食 嘢。兩個負責做掩護的,似乎見慣這種場面,同嚴淑明亦有傾有講,狀甚熟落。

14/11吳君祥嘴嚴淑明




箍頸
在夜店兩杯落肚後,放下戒備的吳君祥對嚴淑明講一輪露骨調情話,之後一手箍住女方條頸有行動。


啜爆
慾火攻心,吳君祥肉緊地同嚴淑明啜,跟住他來負責做掩護的兩位男同事,一個唯有扮睇電話,另一個呆坐,當睇唔到!


偷食的吳君祥成晚心情勁 high!


9/11拖正印
偷食前數天,吳君祥做乖男友,經常陪江美儀外出食飯,拖手行街,交足功課。

讚大波


醫完肚,吳君祥拖嚴淑明上私竇酒吧「 Shower」直落。之前在意大利餐廳,吳君祥尚有點避忌,但一去到自己地頭,即放鬆戒備,幾杯落肚愈講愈大聲,與嚴淑明的對話亦相當露骨。「快 啲,快 啲幫我擔!」女方將他輕輕推開,緊接一聲嗲氣:「耶!」姣味直逼「大婆」江美儀在《名媛》中內衣姣誘劉松仁那一幕。
之後,慾火攻心的吳君祥,望住 35D的嚴淑明說:「高海寧對波都無你對波咁大!」 氹到對方好開心。愈講愈 high,吳君祥一手箍住嚴淑明條頸便一啖嘴落去,完全不顧兩個陪坐的男子感受。
玩到 㷫烚烚,吳君祥忽然發現有異,他先着男同事反拍記者,之後再由大廳轉入 VIP房,閂埋門繼續。


餐廳避忌
去夜店前,吳君祥同嚴淑明先在一間意大利餐廳食飯,其間出盡 冧招,幫女方影相,又餵佢食 嘢。


分頭行
二人在夜店發現記者後,即轉入 VIP房匿埋偷食。玩至凌晨二時,他倆故意前後腳分開走。


兩人數月前在台灣撻着,女的還把他們貼頭合照放在 facebook。


本月 11日江美儀飛去巴黎拍新劇《衝上雲霄 2》,她一走,男友即偷食。


擁有 35D,常走光的嚴淑明,在台灣有「話題女王」稱號!

聞到味


據了解,數月前吳君祥帶住力捧的蒙面歌手龍小菌到台灣發展,找來地頭蟲嚴淑明幫忙搭通天地線,結果搭出關係。
「今年八月,佢同江美儀一齊開 嘅娛樂公司『黃金時代』搞 party, Vincent薑到請埋『二奶』嚴淑明 嚟撐場,仲 喺台上話除 咗捧龍小菌,仲要簽埋嚴淑明,當時企 喺台上 嘅美儀都打 咗個突,黑晒面。
「美儀其實好醒,男友 喺台灣返 嚟之後,佢已經聞到味,知道 Vincent同 嗰個嚴淑明有 啲 嘢,不過佢 EQ高,落台之後仲專登行埋去同嚴淑明握手。同 Vincent咁多年,男友偷食過幾多次佢心知肚明。不過唔過分,美儀當睇唔到!」知情者爆。


三角同場尷尬
8月吳君祥為新公司搞開幕禮,當時他夠薑邀請已暗撻的嚴淑明出席酒會。有指聞到味的正印江美儀見男友常與「小三」匿埋一邊密斟,即上前以牽強笑容同怒啤眼神「對付」二人。




有指他與江美儀以三萬多元租住的貝沙灣愛巢,係家姐吳君如俾錢交租。


住靠家姐


女友佔大份
生活開支由女方供應,二人合資開設的娛樂公司,也是江美儀佔大股揸權。


行靠女友
早前他與女友各自駕着寶馬離開公司。據知兩架數十萬房車均是女友出錢買。在運輸署登記資料顯示,兩車的車主登記人是江美儀。

君如交租


四十三歲的江美儀,對男友偷食隻眼開隻眼閉,還要忍受四十五歲的男友一事無成。據知,吳君祥現跟女友租住的貝沙灣愛巢,每月租金三萬八,都是由家姐吳君如負責交租。
「之前 Vincent同江美儀住 喺吳君如加多利山間屋,後來君如聽風水師講貝沙灣旺,買咗間當投資,但 Vincent又話要住貝沙灣,仲要家姐幫佢一炮過交一年租,佢仲唔滿足,四圍同人講話間屋得八百呎唔夠住。
「 Vincent太倚賴家姐,無份工打得長,之前幫過澳門一間酒店搞娛樂拓展,安排藝人登台表演,但早排俾人踢出局,無得撈又叫家姐打本俾佢同女友開公司,仲要出埋架七人車俾佢用;但佢好少返公司,有時夜晚七點先返去坐一陣,公司簽個賺唔到錢 嘅龍小菌,使費都要靠江美儀同君如補貼。」


03年吳君祥投資酒吧生意,開幕時爸爸夏春秋和母親冬嬸撐場外,姐夫陳可辛也賞面出席。


江美儀在《名媛望族》中,先來一場色誘劉松仁,繼而四十三歲慾女啜擒吳卓羲,一個人幾乎孭起晒所有重口味場面。


拍拖七年的江美儀和吳君祥,關係有如老夫老妻,江美儀的父母(左一、二)亦早已視吳君祥如半邊仔,早前還一起出外旅行。



逆來順受


公司註冊顯示,二人共同持有的娛樂公司,股份比例江美儀屬大股,而他常用來出動溝女的寶馬,車主登記是貼錢養仔,仲要忍受男友偷食的江美儀。
本週二(二十日)早上,記者致電身在巴黎拍劇的江美儀,對於男友偷食嚴淑明,她鎮定的回應:「我未睇過 啲相,唔想有咩評論。不過點都好,我係信任 Vincent。(見到佢 喺夜店同嚴淑明嘴喎!)我當佢應酬 啫!總之我信男友。」


43歲 vs 39歲

江美儀雖然身材不及嚴淑明豐滿,又無對方咁風騷,不過知名度和美貌就贏倒對方。 

走光女王


年屆 39的嚴淑明( Mandy), 18歲經朋友介紹認識肥媽,做過她和夏韶聲的伴唱,並開始進身娛樂圈。 96年捲入女星汶萊賣淫事件, 01年出自傳《救贖美麗》爆香港女星性交易內幕,成為一時話題; 03年轉往台灣發展,經常以透視裝加乳貼真空上陣,出席活動或拍廣告,亦多次無故露點走光,被當地封為「走光女王」。





贏頭輸尾吳君祥


45歲的吳君祥,是吳君如胞弟,挾胞姊關係,搭通人脈,但每次做生意都有頭冇尾,最多打個和。

賣水壺發 迹


16歲往加拿大留學的吳君祥,大學讀電子工程,畢業後留加發展, 90年代做過大哥大水壺電話,是當地有名的 top sales,賺到第一桶金後開始涉獵汽車買賣生意,揸靚車住豪宅,多倫多的華人稱他為「吳公子」。

做《金雞》場務




好景不常, 01年結束生意,回流香港。曾讀過短期電影課程的吳君祥打算闖電影圈,即使被姐夫陳可辛潑冷水,死心不息的他做了兩集《金雞》場務,拍過商台宣傳片,但他頂唔順「公子」變阿四,改行做生意。 

開酒吧打和


03年於蘇豪區投資酒吧生意,全盛時期擁有七間酒吧,由中環開到西貢。後來生意拍檔陸續退股,他也收手,埋單算打個和,冇賺蝕。今年拖埋女友江美儀落水,投資娛樂製作公司,力捧騎呢蒙面歌手龍小菌。 

撰文、攝影:娛樂組

arrow
arrow
    全站熱搜

    tvb4life 發表在 痞客邦 留言(0) 人氣()