同你吟一吟
最後一程 羅慧娟安息
過世接近半年嘅娟妹羅慧娟，星期一（十一月十九日），骨灰終於上位，移放到華人基督教聯會薄扶林道墳場。
娟妹老公劉志敏、三個哥哥、家姐羅慧蓮、好姊妹陳法蓉、賈思樂都有出席安放儀式。
雖然娟妹已經走咗一段日子，但佢老公依然未完全放低，牧師禱告期間，劉志敏喊到眼鼻紅晒，不時要除眼鏡抹眼淚，仲有一直話要開心送好姊妹返天家嘅陳法蓉，亦忍唔住喊。
走咗嘅得到解脫，喪親傷痛，卻非一時三刻可以平服。
娟妹嘅骨灰箱，由墳場職員抱住，而骨灰位嘅照片，亦沿用娟妹好鍾意嘅天使相。
儀式半個鐘結束，離開時，劉志敏坦言好掛住亡妻。
娟妹早逝，陳法蓉對人寬容，背人傷心。
儀式期間，娟妹老公喊個不停，要牧師不時輕拍安慰。
全站熱搜
留言列表
