Venus每天都會與師傅 Ray練習,就算是練習都十分認真,從不手軟。

青雲路

香港女拳霸 贏盡比賽 門生過千

2012年11月21日 ~~ 第1087期 交易通.搵車快線

近年泰拳成為不少女性的修身減壓運動,女學員增多,令女教練變得十分吃香,好似鄰家女孩的「香港女拳王」 Venus,就桃李滿門, 23歲就教過千名學生,月入已有 8萬,只因她不斷越級挑戰自己,連續 3年奪得香港不同體重級別的冠軍,今年摘下 WKBC女拳王金腰帶,可以說是巾幗不讓鬚眉。

剛嵐泰拳健體中心
地址︰九龍旺角運動場道十五號京華大廈二樓 D-E室
查詢︰ 2710 9989


上到比賽擂台, Venus面對身形比她有優勢的對手也毫無懼色,最終拿下女拳王寶座,圖為 2011年香港泰拳冠軍賽女子 51kg決賽。

「 One,Two,One,Two前後前後跳,唔好停喺原地, 3組、 5組、個膊頭去盡 啲,唔好縮埋,再 嚟 5組……」採訪當日,記者上到位於太子的剛嵐泰拳健體中心,泰拳女教練 Venus正在教授學生揮拳,令記者想不到是女學員佔大多數。
現時健體中心的學員有 7成是女性,女教練則有 4名, Venus是其中之一,「以前我學拳,男仔始終佔大多數,不過近年興學泰拳減肥修身,吸引好多女性去玩,好似我 哋 嘅學生都有唔少係空姐、護士、 OL等,女仔教番女仔好有優勢,會令人放心 啲。」 


贏了比賽,大會會頒發一條金腰帶以示拳王身份,圖為 Venus在 12年摘下的 WKBC 48公斤級別女拳王金腰帶。

泰拳熱潮有增無減,電視劇《拳王》更將這熱潮推上高峰,「之前《拳王》播出之後, 嚟學泰拳 嘅人多 咗約 1倍,不過好多年輕人都係 3分鐘熱度,反而女仔堅持得比較耐,我 哋拳館課程有分修身同搏擊,修身課程我 哋會加多 啲跳動、伸展 嘅帶氧動作,適合女性去玩。」
面前的 Venus笑容親切,身形嬌滴滴,想不到她竟是 2010年世界排名第二的女拳王,今年更摘下 WKBC女拳王金腰帶,「好多新識 嘅朋友聽到我係打泰拳,都唔多信,可能我身形唔高大,其實打泰拳只會令肌肉 firm啲,唔會太大隻,雖然我力量會輸蝕,但我夠靈活,可以技術擊倒對手。」 

由學化妝轉學泰拳


成為女拳王前, Venus是學化妝出身,「中五讀完書走去學化妝,女仔之嘛,但當時想玩一樣運動,於是上網搵資料,見到剛嵐泰拳健體中心個網站,入面有佢 哋平時活動 嘅相片,覺得佢 哋玩得好開心,又見有女仔玩,於是就開始學泰拳,最初只係玩玩吓,當 keep fit。」
學不夠 1年, Venus竟開始參加比賽,「我讀書之餘仲做兼職 sales,但成日受氣,就返拳館訴苦,有次師傅 Ray叫我不如 嚟做助教,開始接觸多 咗泰拳,嗰陣拳館唔出名,師傅同班師兄弟又對我好好,我就開始諗點先可以幫到拳館,於是我想參加比賽,希望可以打響拳館個名。」
18歲開始出賽, Venus就贏得首屆中國全國泰拳冠軍賽銀牌,自 09年起更連續 3年奪得香港不同體重級別的冠軍, Venus除了想打贏每一場賽事外,同時亦不斷挑戰自己,「我 哋拳手用磅數 嚟分級別,磅數愈重,出拳 嘅力度同身體碰撞都會有優勢,但我覺得要放眼世界,喺本地賽上我都會參加比自己更高 嘅級別,讓磅上陣,挑戰自己之餘,將來參加國際賽對住同級別拳手,贏面會大 啲。」


要取得成功,花的代價一點都不少,像採訪當日, Venus在做 sit up時,師傅 Ray把重 16磅的藥球拋在她的腹部上,訓練腹部的抗擊力。



初試啼聲即贏比賽


學員 Priscilla
我係空姐,平時好少做運動,試過跑步但過程又好悶,一直想搵樣運動 嚟玩,咁啱有朋友推薦呢間拳館,上 嚟試堂,覺得泰拳幾有趣,可以 keep fit之餘又可以保護自己,唔經唔覺就玩 咗 2年。

Venus第一次上台比賽事前並沒有準備,現在回想起來笑說沒有印象,「我 哋本身去睇師兄比賽,咁 啱現場畀女仔報名即場對打, Ray叫我試吓,咁就上 咗台,當時好緊張,好多都係本能咁出拳,雖然贏 咗,但腦裏面一片空白。」
要數最難忘的賽事,不得不提 09年參加的中國全國泰拳冠軍賽的決賽,「嗰次算係第一次參加大型賽事,打算盡全力同吸收啲經驗,我本身 44公斤,但我 哋普通話唔好,見到對手先知原來係 54公斤級別,對手足足比我重 10公斤,咁 嚟到冇理由唔試吓,惟有盡晒力去打,最後都打到入決賽。」雖然只得銀牌,但她那拼搏的精神,令她奪得當屆的「全場最拼搏拳手獎」。 


女教練 Suki
11年香港泰拳冠軍賽女子 48kg金腰帶拳王
我本身做開文職,當初玩泰拳只係諗住減肥,慢慢覺得泰拳好有挑戰性,又可以訓練毅力, 5年前開始打比賽同 喺拳館擔任助教,家都打 咗 7年。近年多 咗女生玩泰拳,好多人上 嚟玩都貪我 哋呢度有女教練。

因為訓練及出賽,令 Venus全身上下都受過傷,但她笑言一點都不辛苦,「每項運動都會有機會受傷,泰拳係要同人對打,練習同上台比賽總會有 啲損傷,不過我 哋注重安全,最嚴重都只係拉傷,傷 咗就要休息;不過隻腳傷 咗,咪練手囉,唔會完全停晒。」
先天條件不比別人好,成功就要多倍的汗水和努力,「我知自己先天條件唔夠好,肌肉質量差,出拳唔夠重,要畀其他人做多 啲負重訓練,同時 啲肌肉又易繃緊,人 哋要用 1分鐘拉筋放鬆,我就要用兩倍時間,打拳要放鬆先發到力,比賽前 3日要停操,等身體回復最好狀態。」 

WKBC產拳王




WKBC全名是 World Kickboxing Corporation,即是世界踢拳總會,在格鬥界具有世界性的認可,該會每年至少會舉辦一次拳王金腰帶大賽,在世界各地安排有實力的選手挑戰上屆拳王,拳王一定要迎戰,擊敗對手的一方就會成為新一屆拳王,如果拳王不接受挑戰,拳王資格就會被取消。 12年 Venus就打敗 48公斤級女拳王,成為新一屆的 WKBC女拳王。 

認真學拳感動家人


最初學拳, Venus間中會受傷,家人也有反對她學拳,「屋企人話女仔人家應該要學彈琴,學拳易受傷,不過佢 哋見我咁認真,慢慢開始接受,佢 哋有 嚟過睇我比賽,認同我喺泰拳呢方面發展。 𠵱家阿媽見到我隻腳瘀 咗,都只係話我『又整嚫呀,下次小心 啲。』」
23歲的 Venus已有過千名學生,每月的收入約有 8萬。現時 Venus天天都要教拳,加上鍛煉,一天 8成時間都在拳館,「星期一至五 1點半就開始有班,教到夜晚 10點半,星期六、日又有單對單教授,加埋訓練,每日都係得 5個鐘瞓覺。」
雖然由早打到晚,有時累得連手都舉不起,但 Venus說教拳給她很大的滿足感,「有學生天資冇咁好,身體協調唔得,揮拳 嘅動作走晒樣,但又想可以上台同人對打,我見佢好有熱誠,就諗辦法幫佢,佢揮拳上改唔到,我叫佢試吓練膝撞,發覺又 ok喎,最後都幫到佢,嗰刻真係好開心。」
除了泰拳, Venus還不停增值自己,「我之前已經讀 咗關於營養學 嘅文憑課程,之後想搵關於運動同營養學方面 嘅 part time degree嚟讀,想令人感覺教拳專業 啲,而且又幫到自己制定訓練 嘅方法,將來我想同更多世界級 嘅選手比賽,挑戰自己。」


Venus平時練習,要踢沙包底部位置,因夠硬可鍛煉防禦能力,因此亦令腳部出現瘀傷。



受傷的右腳


平時上堂, Venus仔細教導學員泰拳的基本技巧,親身示範正確姿勢,絕不馬虎。

每個人初初看到 Venus的感覺都不相信她是打泰拳的,記者就親身拿起拳靶感受 Venus的力量,每接她一腳,都不由自主後退幾步,她還笑說︰「我右腳傷 咗,唔可以踢咁大力。」記者現在打字的手臂還有點赤赤痛,小小身軀爆發出的力量真不可說笑。 

點入行?




想在香港做泰拳教練執教,除了要識打泰拳外,還要考取香港泰拳理事會認可的教練證書,剛嵐泰拳健體中心總教練 Ray說︰「想做教練除 咗要考教練證書之外,每個拳館都有自己 嘅要求,好似我 哋就 啲教練每個星期都要上我開 嘅教練班, keep住體能同水準,保持拳館質素,如果想人工多 啲,參加比賽,增加知名度都係唔錯 嘅途徑。」 

香港泰拳理事會
查詢: http://www.hkmuaythai.org/main.html

晉升階梯


資深教練
$12000至$15000
5至 6年經驗

初級教練
$20,000起
8年以上經驗

助教
時薪$40至$50不等
2年習拳經驗 

撰文:曾志恒
攝影:傅新發
部分圖片由被訪者提供

創作者介紹
創作者 tvblife 的頭像
tvblife

TVB娛樂八掛週刊雜誌大分享☆

tvb4life 發表在 痞客邦 留言(0) 人氣()