笑意盈盈
周日(25日)，以往低調拍拖的邵美琪和施祖男，罕有以情侶檔出席深圳賽車比賽。二人在聽大會簡介比賽規則時，旁若無人有講有笑，好事近的邵美琪更如沐春風笑不攏嘴。
滾熱辣
爬伊健頭結婚 邵美琪三月嫁施祖男
台慶劇《大太監》劇情越趨緊湊，邵美琪（ Maggie）飾演的東太后在結局時將會被逼瘋，以悲劇告終。在現實生活中，自 99年發生「奪麵雙琪」事件後，邵美琪的感情生活亦一潭死水。直至 08年，她才覓得第二春，暗嗒比她年輕八載的打星施祖男（ Vinz）。
姊弟戀相交四年，隨住舊愛鄭伊健公開宣布明年迎娶拍拖 6年的蒙嘉慧，本刊收到消息，打得火熱的邵、施亦秘密訂於明年 3月，在薄扶林伯大尼小教堂行禮，誓爬舊愛頭完婚。
「奪麵雙琪」三位主角相繼找得真愛，值得慶賀。不過當記者就此事問鄭伊健時，他卻顯得不耐煩說：「係事實先再講啦！」
直擊邵美琪施祖男鍊車 男風騷女避忌
守齋 9年，剩女邵美琪趕上尾班車，在 08年尾拍攝杜琪峯執導的電影《機動部隊——同袍》時，與現年 38歲打星施祖男打得火熱。去年，他們被踢爆戀情後，僅以「好朋友」相稱，相當避忌。直至今年 8月，兩人才首度拍拖現身電影《閃亮人生》首映禮，終由男方公開拖友身份。
細心呵護
由於邵美琪是賽車初哥，施祖男全程對女友呵護備至。排位賽時，排在前面的施，不時擰轉頭向女友教路。
邵美琪賽完車，一早比賽完在賽道等候的施祖男，第一時間撲過去扶實女友。
落廚冧女友
要求住一間房
比賽前一日，大會分房時，原定每個參賽者都可獲分配一間房間，但 check in時，記者聽到施祖男說一間就 ok。 check in後邵、施便雙雙回房間，直至翌日才現身。
自經歷感情重創後，邵美琪本來不再輕易相信男人，但 08年結識虔誠基督徒施祖男後，邵才對異性開始改觀。據知兩人發展初期，在法國長大的施祖男一直採取主動。除投「琪」所好，留在家中玩煮飯仔，還行外母政策，陪邵母飲茶，令邵美琪相當感動。
「 09年 Maggie爸爸病逝之後， Maggie就同媽咪相依為命，一收工就會趕返屋企陪媽咪食飯。 Vinz（施祖男）煮嘢食好叻，知 Maggie鍾意食住家飯，會不時研究新菜式俾佢兩母女試。 Maggie好受㗎，以前啲男友未試過煮嘢俾佢食，所以今次佢覺得冇揀錯人。」施祖男細心又體貼，冧得邵美琪開綠燈，早前正式讓他進駐其北角威景臺香閨。在同居生活下，雙方的了解進一步加深，可是其間二人因信仰分歧，一度成為發展的絆腳石。
為信仰爭拗
去年初，邵美琪在友人介紹下，加入日本佛教之一的日蓮教分支「創價學會」，與施祖男所信奉的基督教大相徑庭。二人更為此而有拗撬。「其實 Vinz平時好就 Maggie，不過佢係基督徒，自然想另一半都係。 Maggie個人好固執，決定咗嘅嘢好難改。 Vinz最初話帶佢返教會，佢都唔肯，試過有好多個星期日，兩個人都為咗呢件事鬧交。」
據知。今年初二人價值觀愈加分歧，施祖男更一度心淡想離開香港到法國散心。為挽回男友心，邵美琪終應承對方嘗試返男友所屬教會。
高調行埋
邵美琪和施祖男拍拖四年，一直抱 着寧俾人知莫俾人見態度。直至今年 8月，二人現身電影《閃亮人生》首映禮時，施祖男忽然承認與邵美琪是拖友關係，似為下年三月結婚鋪路。
拒絕贈興
鄭伊健和邵美琪分手後，一直避談女方問題。即將與蒙嘉慧拉埋天窗的他，對舊愛結婚一事，表現避忌，更顯得半信半疑。
係事實先再講！(真實對白)
小教堂行禮
情侶小風波告一段落，數月前，施祖男覺得自己年紀唔細，是時候成家立室。最後他聽朋友意見，知道在薄扶林的「伯大尼小教堂」可以讓非基督徒行禮，即自行 book了下年 3月尾，作為他與邵美琪的結婚大日子。「其實 Vinz打電話 book教堂前，事先一個人去教堂睇過環境，佢覺得間教堂好靚，好有外國 feel。當時佢仲未向 Maggie求婚，點知當佢問女方想唔想結婚嗰陣， Maggie竟然一口應承，仲話 2、 3月上大陸拍完劇之後，會有段空檔夾到結婚日子。 Vinz好開心，仲四圍同好朋友講。」施身邊好友透露。
蜜遊日本
去年尾，施、邵仍未爆出拍拖，被本刊獨家拍到蜜遊日本後，二人只承認是「好朋友」關係。
甜蜜認教堂結婚
邵美琪封嘴，相比之下，鬼仔性格的施祖男對結婚一事卻坦白得多，除了表明會在教堂結婚，更透露經常游說女友返教會。
施祖男：唔會刻意高調
上周六（ 24日），施祖男與邵美琪到深圳參加小型賽車比賽。其間，記者埋身訪問施祖男，他明言想在教堂行禮。
記者：記施祖男：施
記： Maggie係咪想爬伊健頭結婚？
施：我哋唔係比賽，人哋做乜我哋唔理，我哋只係做番正常人嘅嘢，開開心心生活。
記：你會同 Maggie喺教堂行禮？
施：如無意外都係，都想喺教堂行禮。我都有帶佢（邵美琪）返教會幾次，佢唔太抗拒。
記：我哋知你 book咗伯大尼小教堂行禮喎！
施：（停頓數秒）邊度傳㗎？咁開心？總之我哋唔會刻意高調。
記：你哋結婚會唔會公開？
施：結婚始終係兩個人嘅事，唔係做騷。
施祖男對結婚一事侃侃而談，但記者問邵美琪，她一貫低調說：「係結婚都唔講，你問番佢（施祖男）啦！」
46歲邵美琪守得雲開，尋尋覓覓終找得如意郎君施祖男。日前本刊記者就此事問鄭伊健時，他最初顯得避忌，其後不耐煩說：「又係講結婚呀？係事實先再講啦！」不欲多談舊愛半句。
非基督徒結婚聖地
香港大部分的教堂只會將場地租借給基督徒作婚禮用途，所以沒有任何宗教限制。屬香港演藝學院校舍一部分的伯大尼小教堂，深受非基督徒新人歡迎。伯大尼位處薄扶林邊陲位置，景觀開揚，外表比傳統教堂還靚，加上在婚禮舉行期間，有保安嚴禁閒雜人等出入，私隱度極高，符合邵美琪的低調性格。
借用伯大尼小教堂作婚禮用途的收費亦算合理，每兩小時收五千八百八十元，因此相當搶手，一般要提早半年預約。
教堂外觀
禮堂內貌
下周劇情 東太后患絕症
留言列表
