甘比同 5歲女兒秀樺早前同大劉去御用飯堂食晏。即將臨盆嘅佢肚唔算大，行路時相當輕盈。
媽咪姐
甘比巴閉出巡
媽咪姐收到風，甘比下個月初將入住山頂明德醫院，為大劉剖腹生金叵羅。雖然甘比佗仔都佗咗九個半月，穩如泰山，但始終離產子仲有一星期，所以上至大劉下至保鑣都不能掉以輕心，對甘比事事緊張。
早前媽咪姐喺富豪御用飯堂福臨門撞到大劉、甘比同女兒秀樺開餐。食完晏準備上車嗰陣，大劉發現車廂內嘅地氈隆起，為防大肚婆甘比 kick到，佢立即彎腰出手整理，真係紆尊降貴都冇所謂。媽咪姐仲發現，甘比每位保鑣都會拎住張紙巾，目的就係幫甘比開門時，可以隔絕門柄啲細菌。甘比條命真係零舍矜貴。
甘比當日拎住印有 MOM（媽媽）嘅黃色 Goyard手袋出巡，相比起 Birkin，呢個袋當然冇咁貴，但意義深遠。
大劉彎腰整地氈
世上冇邊幾個女人，可以令大劉唔介意彎腰整理車廂地氈，甘比係其中一個，真係好命。
保鑣紙巾防菌
大劉先返公司，而甘比就同阿囡去買玩具。佢哋離開玩具店嗰陣，兩名保鑣就用紙巾推開玻璃門，幫佢哋開路。
全站熱搜
留言列表
