我索唔索啫？（設計對白）
雖然欣宜着咗牛仔恤衫遮醜，但依然中門大開益街坊。
媽咪姐
欣宜包冚
要喺香港娛樂圈生存，歌精舞勁做戲好都係其次，先決條件係瘦。好似由細到大食慣珍饈百味嘅欣宜，向來噸位十足，縱使佢有勤力過，但反彈容易 keep住難，近日欣宜身形又翻脹。
早前欣宜為下月 7日上映嘅新戲《我老公唔生性》拍攝一場泳池戲。本來劇組準備咗一套有啲睇頭嘅背心俾欣宜着，等佢騷吓驕人上圍。但欣宜自知身形並非苗條，無謂獻醜，於是就喺背心外加一件牛仔恤衫，遮住手臂同腰間贅肉。
有嘢遮嘅欣宜，當堂拍得舒服，最終一 take過搞掂。欣宜向來唔係賣肉，即使着住樽領拍，媽咪姐都唔介意。
欣宜呢場被香檳兜面潑嘅戲，最終一 take完成。
盧海鵬試咪近期 hit爆，導演阮世生搵佢客串仲同邵音音一齊「試咪」。
阿 Sa喺呢場戲俾人推落泳池，飾演佢老公嘅鄭伊健落水營救。相信大家拍嗰陣應分別諗緊陳偉霆同蒙嘉慧。
全站熱搜
留言列表
