媽咪姐

紋身女殺入亞姐

2012年11月30日 ~~ 第905期 忽然１周

亞視雖然是非不斷，但亞姐個騷 must go on！搞完一輪選咗六位佳麗代表港澳賽區出戰「大中華決賽」，本周一（ 26日）終於安排準亞姐見人。今次騎呢女欠奉，不過就有三個紋身女，有紋身嘅佳麗，媽咪姐都係第一次見！

大哥的女人


嘩！講紋身⓫梁晨晨贏晒啦！除咗手前臂有個用自己名設計出嚟嘅愛的紋身外，腳眼位仲有個大過手掌嘅龍紋身……吖唔係，睇真啲原來係花，江湖味咁重，十足十大哥嘅女人？

紋身可愛妹


➒葉詩琪眼大大好得意，本來幾得媽咪姐歡心，點知擰轉面見佢背部嘅紋身就扣分啦！依家係選美唔係鬥型，不過佢就話喺家鄉馬來西亞紋身係一種藝術喎！





鳳爪冠軍


➌陳彥蓉喺港澳賽區拎咗個冠軍，人都自信啲，雖然口才麻麻，但笑容甜美睇得吓，又有碩士學歷。不過由頭睇到落腳即刻嚇親媽咪姐，鳳爪腳趾叉晒出嚟，唔係幾美觀囉！





空中阿姑




年紀最大嘅佳麗係呢位做空中小姐嘅⓯吳荻， 29歲見慣大場面，問一句答一句都咪話唔 cool！可能職業病，佢行起路雙手好似定晒型唔曉郁，仲口噏噏咁唔知佢想講咩。 

搞笑博好感




呢位⓳唐夢婭都幾搞笑，緊張到企唔穩不特止，自我介紹時仲窒住咁講咗三次「大家好，我係……」先講得出自己叫咩名，在場所有人狂笑。扮可愛攞分，高招！ 

arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄