我都想生 B呀！（設計對白）
當日 Jade輕輕鬆鬆拎住大相架擺下甫士，就可以賺到六位數字酬勞，羨慕死媽咪姐。
媽咪姐
關心妍搵蔡少芬教路
關心妍（ Jade）同老公楊長智結婚三年以來，一直希望為楊家傳宗接代，不過 Jade又要出碟開騷，造人大計要押後到出年 2月開完騷先實行。不過生仔講緣份，於是 Jade就準備搵啱啱佗第二胎嘅蔡少芬取經。
大纜都扯唔埋嘅 Jade同蔡少芬（ Ada），原來佢哋最近齊齊做咗護膚品 Swisse嘅代言人。雖然 Jade因為檔期，同蔡少芬分開拍廣告，但佢已經做定功課，準備嚟緊喺宣傳活動上向 Ada偷師。 Jade話：「 Ada好犀利呀！隔咗年半又造人成功，到時我一定會問下佢嘅生活同飲食習慣，睇下有冇秘技。」
媽咪姐相信蔡少芬有佢嘅獨門心得，但 Jade仲咁後生，勤力啲一定得！
同拍檔 Jade一樣，蔡少芬都是拎住大相架為 Swisse拍廣告。
早排媽咪姐喺中環都撞到蔡少芬，佢仲去咗七仔買水飲同買麵包食。啱嘅，餓壞肚入面個 B就唔好啦！
Jade為廣告試咗唔少高踭鞋，佢話：「第時佗 BB會好小心，冇必要都唔會着。」
全站熱搜
留言列表
