媽咪姐
High到爆
娛圈藝人每次出動都要執到正一正，以靚樣見人。
反而平時身光頸靚 嘅社交名人就真性情得多，去 ball、出活動一 high爆，儀態都唔顧，最真 嗰面出晒 嚟！
趙式芝興奮過龍
一對新人情緒非常高漲，做完訪問，趙式芝幾乎跳住嚟行，未飲已經咁 high。睇得出真係好開心。
上周四（ 22日），卓能主席趙世曾個女趙式芝，同波爾錶太子女楊如芯 喺中環搞晚宴。雖然事先講明係感恩節食飯，不過當晚佢 哋 着白色禮服見人，又齊齊戴婚戒，席間又放出兩人 喺法國行禮同婚紗相，同擺酒結婚無分別。當晚兩人真係好興奮！一時拖實賓客入場，一時情深對望，表情誇張過唔少藝人！
傅明憲巨型雙下巴
傅明憲同葉劍波離婚後，即戀上莊士集團太子爺莊家彬。雖然同男友人年齡相差 10年，不過鬼咁 sweet，難怪身形愈來愈圓。單拖去芝芯感恩節晚宴 嘅佢，出動米白 tube dress，露出肥手臂、大肉背，仲唧埋厚肉雙下巴。想箍住男友仔，真係要搞搞至得啦！
41歲 嘅傅明憲，樣子尚算甜美，不過人到中年，身形愈來愈脹，有 啲師奶 feel！
陳嘉容啜爆新仔
名模陳嘉容自 07年同髮型師老公郭子輝離婚後，再未有公開新戀情。恨拍拖恨到出面 嘅佢，終於有 着落。上周六（ 24日），陳嘉容同南亞裔男友去 Dragon-i 10周年 party，兩個鬼祟入場，如熱戀情侶，飲到半醉黐到實。
37歲 嘅陳嘉容，整晚 冧到不得了。 喺場入面同新仔愈玩愈激，離開時，仲喺街角暗處啜足五分鐘。
王馨平貞子上身
為芝芯晚宴獻唱《月亮代表我的心》 嘅王馨平，一早到場，以超 deep V低胸裙見人，大騷事業線，養眼到極。不過佢到場時，一陣怪風吹到佢披頭散髮。急步走人 嘅佢，全程得一隻眼見人，都咪話唔嚇人！
今周最靈異
貞子上身嘅王馨平全程封口，九秒九迅速上樓。難怪嘅，咁嘅樣，點見人呀！
全站熱搜
留言列表
