700呎大廳
大廳相當寬敞，難怪淑梅姐話經常開兩 枱麻雀，「多 啲朋友一齊玩熱鬧好多，間屋都有人氣 啲，有時我老公都會一齊落場，不過我唔會鬆章 㗎！」
星悅居
愛滿屋 車淑梅
每人都想有個幸福美滿的家庭，但怎樣才算美滿？讓我想一想，一家四口，仔女大學畢業孝順又聽話。屋企毋須太大，讓一家人可經常碰面，千八呎有露台最合適。客廳要夠大，閒時約班老友來開兩 枱麻雀，最好要有工人負責斟茶遞水啦！還有，隨時可以同老伴去旅行，間中去世界各地做義工，放眼世界又可幫人。想起都梳乎！
這種家庭生活原來不是幻想才有，現實中的主角你同我都認識，她是車淑梅。
夢想之家
八、九十年代在香港電台節目《晨光第一線》做主持的車淑梅，憑住獨特聲線，成為當年最受歡迎電台節目主持人，被封金牌 DJ。現與有「金曲之父」之稱的丈夫張文新及一對仔女同住沙田千八呎大屋。
沒有華麗的裝修，也沒有古董珍品作擺設，但這個家給人舒服、溫馨的感覺。大廳四周擺放了數不盡的家庭生活照，相中人個個笑瞇瞇，開心氣氛溢滿屋。淑梅姐笑說：「我 喺呢度住 咗二十年，裝修唔豪華，勝在夠 warm囉！我最鍾意用相架做家居裝飾，最開心收到 嘅禮物就係相架，擺到成屋都係就最開心。」
扮 嘢小暖爐
飯 枱旁的地上有一個炭爐仔，裏面的炭當然不能燃燒，但會放暖，「呢個係電暖爐，開 着佢 啲炭會變紅色，其實佢唔係好暖，不過個樣似真炭暖爐，幾得意。」
酒櫃當裝飾
飯廳有個放滿酒的酒櫃，原來係得個擺字，「我 哋好少飲酒，如果要講究的話就用恒溫酒櫃啦， 啲酒通常都係朋友送 嚟，放 喺呢度做裝飾都唔錯呀！」
阿女畢業照
女兒今年 6月於麻省理工畢業，全家赴美參加女兒畢業禮，「個女學業上有好成績，做阿媽當然開心，我 哋一家人參加完畢業禮，仲坐郵輪去加勒比海玩 咗八日，冇浪費個假期。」
黑白客廳
客廳用兩種顏色的梳化突顯層次，「用兩種顏色感覺冇咁單調，配埋字畫仲好襯㖭！」
最愛打牌聯誼
雖然重視家庭生活，但淑梅姐認為家人不是人生的全部，「每人都有各自 嘅生活空間，仔女都會有自己朋友，唔可能時時刻刻陪住你，所以我識自己搵節目，得閒約朋友返屋企打幾圈。呢度可以開兩 枱麻雀㗎！我 哋打牌唔計較贏輸，只係想一，好 衞生！」
嘉許對聯
淑梅姐一向喜愛做義工幫人，早前更獲頒「行政長官社區服務獎狀」，嘉許狀以「淑梅」的名字寫成對聯，獎狀放在大廳當眼位置。
充當女花王
淑梅姐除了喜愛烹飪之外，亦愛種小植物，露台全部都是她的心血結晶，「我當正自己係花王，因為種植物要好有心機，即使我唔 喺香港，都會教工人點樣施肥淋水。」
玄關有佛照
淑梅姐全家信佛，玄關位置鞋櫃頂放了祖先位及觀音像，「我習慣每晚都上香禮佛同懷念祖先，上香時會掛住佢 哋，最重要都係誠心。」
仔女溫馨手作
淑梅姐自言仔女孝順又有心思，最鍾意自製有趣生日卡，「佢 哋的確好有心思，我仲開心過收到名牌手袋。」
淑梅姐的兒子 07年在美國賓夕法尼亞大學經濟及心理學系畢業，現留港工作，女兒今年在美國麻省理工環境工程系畢業，亦已找到相關工作。她對一對寶貝仔女有讚冇彈，「佢 哋好有心思，會自製生日卡送俾我，我會將作品放 喺屋企當眼處，可以成日睇到。」仔女孝順，全因有個廿四孝媽咪，「阿仔有次見到偶像拿度，仲攞到佢親筆簽名 tee，佢拎件 tee俾我，淨係講 咗一句『阿媽，幫我搞掂佢！』我就自動波去揀相架，度好晒位裱起佢！阿仔返 嚟見到不知幾開心。」
夫妻照放滿屋
結婚三十年，但淑梅姐與張文新多年來都非常恩愛，兩人經常周遊列國，屋內放滿夫妻合照超過三十幅，當中有些是旅行時留影。
按摩椅當 牀
主人房大 牀可以放正中間， 牀尾擺埋張巨型按摩椅都有位剩，「我好多時會坐住按摩椅睇電視，成日睇睇吓 瞓 着。」最估唔到嘅係牀頭放有多個加菲貓公仔。
偶像珍藏
淑梅姐囝囝的偶像是網球名將拿度，早年阿仔成功取得拿度親筆簽名 tee，由淑梅姐親手裱起，手工都唔錯。阿仔珍藏仲有拿度親筆簽名網球，及淑梅姐內地助養的兒子送給「契哥」的小狗，這小狗曾經去過美國陪「契哥」生活過幾年 㗎！
享受半退休生活
現已半退休的淑梅姐，生活依然精彩，除了在港台主持《舊日的足跡》外，更在有線主持節目《名廚．食出五味人生》。「依家話晒都半退休，我盡量唔俾工作綁住自己，閒時會去世界各地做義工，不過亦要抽時間俾屋企人，同老公去旅行當然唔少得啦！依家最開心都係 喺屋企一家人食飯，當然係我親自下廚啦！」
阿仔房當雜物房
阿仔睡房的傢俬陳設簡潔，「佢張 牀可以反上去收埋，阿仔 喺美國讀書嗰幾年，張 牀冇開出 嚟，我成日放 啲雜物入去佢房，哈哈！」
阿女房有空間感
阿女房間以白色為主，單人 牀靠邊增加實用空間，「阿仔同阿女兩間房其實差唔多大，不過阿女呢間明顯感覺多位用 啲。」
少女沙龍
淑梅姐的囡囡剛大學畢業，現於香港的商業機構實習，房間依然放住少女時期的沙龍照。
四正廚房
雖然家有工人，但淑梅姐平日喜愛親自入廚，廚房四四正正，窗外更可望見沙田著名的望夫石。
介紹沙田美食
淑梅姐最近主持的有線節目《名廚．食出五味人生》，介紹的食肆都是她經常光顧的。在沙田居住了超過二十年的她，與不少食肆老闆和店員也成為老朋友。
留言列表
