依家最興講嘅，除咗係「迷幻飯局」同「食屎狗」之外，就係一個字……摑。
學阿倫話齋，「摑」呢，可能只係「輕撫你的臉」，亦都可能係因為「佛都有火」所致。其實講到「摑」呢門技術，唔好問阿倫喇，問無綫班編劇同監製，因為幾乎套套劇，班女主角三句唔埋兩句就出手。有電視精將無綫近年來（應該係近十年）女女互摑嘅場面剪成一條片。2分33秒清一色係摑，摑，摑，摑摑摑摑摑摑摑摑摑摑摑摑……數到1分49秒，已經摑咗123巴。成條片，可能有近400巴。
摑得最多嘅劇，唔使問，真係唔使問，一定係《溏心風暴》同《家好月圓》，仲有《宮心計》同《萬凰之王》。好明顯，無綫一拍親呢啲女人爭寵戲，得一招，就係摑。
想摑得好睇，下次不如考慮搵龍虎武師出身嘅曾志偉做動作指導啦。
去片﹕
（剪輯：Kelvin Yu）
《溏心風暴》or《家好月圓》？
都係嗰句﹕ 《溏心風暴》or《家好月圓》？
仍然係呢句﹕《溏心風暴》or《家好月圓》？分唔到。唔知監製劉家豪自己分唔分到。
徐子珊俾楊怡摑
跟住到楊怡俾人摑
《萬凰之王》，杏兒摑宣萱
胡杏兒摑立宣萱
仲係《萬凰之王》，輪到宣萱出手。
同上，睇吓宣萱摑杏兒幾狠﹗
《宮心計》……
呢套，好似係《造王者》，苑瓊丹子唯一 油一套做皇后。
still《宮心計》…
野蠻奶奶怒摑新抱
陰功，家燕姐都俾人摑。
佘詩曼，Madam Ma喺《法證2》俾盧菀茵。
佘詩曼又俾人摑。
全站熱搜
留言列表
