無綫一連兩日在將軍澳電視城大搞「TVB職藝員聯歡晚宴」，首晚大開179圍、兩千幾名職藝員出席，當中包括251名藝員，陳豪、郭晉安、徐子珊、陳敏之、苟芸慧、朱晨麗、朱千雪等均有現身。而第二日則有約1,800名職藝員出席，人才濟濟！現場更有電子產品、5000元的旅遊禮卷、相機、水晶等禮物作抽獎！
今晚TVB行政主席梁乃鵬率領2千台前幕後，包括陳豪、黎耀祥、郭晉安、徐子珊和陳敏之等251位藝員，喺電視場停車場舉行TVB職藝員聯歡晚宴2012，筵開179圍盆菜宴，又設幸運大抽獎，更進行《萬千星輝頒獎典禮2012》專業投票組別投票，由全台職藝員進行投票。
著運動衫o既候選視后徐子珊喺胸前掛上彩帶，還拎住大聲公走勻每一處拉票，大叫：「請大家投8號徐子珊！」，見到志偉更飛撲上前拉票。當梁乃鵬同志偉握手時，志偉即識做地拉子珊跟梁乃鵬合照。子珊周圍拉票被笑面皮厚，佢話：「低B唔緊要，最緊要拉到票！戴晒綵帶好似選港姐咁呀！（志在必得？）唔係！我驚大家唔記得投票啫！難得有呢啲機會，自己唔介意，拉票不惜工本好似區議員。」
子珊睇o黎真係好想做視后呀!
去到邊都拎住大聲公
齊齊食盤菜，大家開心
志偉呢排新聞多多
祥仔會唔會係投畀自己呢?
唔好唔記得杏兒都係候選人呀!
梁乃鵬寸王維基 做收費電視冇人睇
2012-12-11 20:45:48
為o左狙擊王維基o既香港電視，TVB今晚同聽日都搞番近20年冇舉行O既職藝員聯歡晚宴。
行政主席梁乃鵬上台致詞揚言唔怕電視戰，仲問：「大家知唔知03年佢（王維基）經營過收費電視台，有冇人睇過？做得出唔出色？王維基講過無綫冇創意，但幫佢做宣傳都係無綫前同事。」
佢質疑王維基能唔能夠o係下年製作到承諾o既650小時劇集，又強調無綫唔係怕競爭，因為會越來越強。主席講得激昂，但係台下o既職藝員只係掛住食盤菜。問到今晚洗o左幾多錢？梁乃鵬話錢唔重要，仲話唔係要穩定軍心，同俾員工鼓勵。
行政主席梁乃鵬寸爆魔童。
樂易玲同梁乃鵬傾咩傾得咁開心？
無綫甘草演員白茵，獲頒退休獎。
資深女藝員白茵，於TVB服務了34年，今年終於光榮退休，TVB的行政主席梁乃鵬於今晚舉行的《TVB職藝員聯歡晚宴》上，向白茵頒贈獎座，以表持她多年來對TVB的貢獻。
徐子珊（左）拎住閃石大聲公周圍向同事拉票。
徐子珊見到志偉，不忘叫他投自己一票。
子珊（右）與杏兒齊齊投票。
一眾職藝員在電視城食盆菜宴。
留言列表
