頂硬上
產女後復出的楊思琦，為搵奶粉錢乜都要做。今次獲無 綫安排佢主持奧運跳水項目，思琦惟有頂硬上。
滾熱辣
擺脫吳帥陰影 楊思琦奧運講跳水
倫敦奧運播映權拉鋸戰終在上周解決，無綫與亞視成功爭取播奧運，兩台更罕有聯手製作節目。
無綫取得奧運轉播權後，眾高層隨即進行閉門會議，有人在會中提議搵楊思琦講跳水及由「妹」李綺雯講足球，實行借緋聞做噱頭，事關遭思琦狠撇的吳帥正是前香港跳水隊成員，而香港足球員陳肇麒（陳七）亦是妹舊愛。對於遭人擺上枱，思琦坦言唔尷尬，為搵奶粉錢，實行頂硬上。
倫敦奧運將於周五（ 27日）開幕，無綫及亞視只有約一星期籌備奧運節目，時間非常倉促。不但召集全台藝員宣傳，講到尾，無綫亦要靠有人氣的藝人當主持谷收視，甚至不惜將對方的緋聞擺上枱搞 gag，製造話題。
有知情人士透露：「今次奧運籌備只得一個禮拜時間，班高層都諗緊咩方法可以搶高啲收視。除搵專業評述，亦會搵藝人助陣增加號召力。其間有人提議楊思琦講跳水，都有高層擔心弄巧反拙，不過依家收視行先。其實主持名單日日轉，啲藝人都仲未收到正式通知。」
錯愛吳帥
楊思琦行錯一步，誤信前香港跳水代表吳帥，珠胎暗結先發現對方係空心老倌。今年初女兒楊卓穎在美國出世，思琦決定獨力撫養，此後吳帥儼如人間蒸發。
北京奧運暗撻吳帥
其實楊思琦和吳帥這段過氣戀情，是始於上屆北京奧運。當時楊思琦參加奧運特訓班時，認識了香港跳水隊選手俞越，透過俞越認識吳帥。四年後，新一屆奧運即將開鑼，連女都生埋的楊思琦，若然真的被安排講跳水項目，應該會感觸良多。不過，上月有商場活動邀請她和奧運跳水冠軍胡佳出席宣傳活動，她當時亦硬着頭皮說：「冇尷尬呀！跳水係健康嘅運動，呢個項目我都會睇！」
被插唔專業
楊思琦唔係主持出身，口才亦麻麻。 08年北京奧運節目，思琦拍住朱凱婷做直播，叫佢評價運動員表現，佢竟然 hea住答：「好精彩！我 哋去廣告喇！」表現唔專業，自然被網友插爆。
上屆專訪跳水隊
08年楊思琦被派去北京奧運現場，專訪國家跳水隊員何沖。
晒腿造勢
上周四（ 19日），在奧運記招上，無 綫安排（左起）李思雅、朱凱婷、楊思琦及陳美詩，以短裙熱褲撐場，晒腿造勢。
妹：唔介意擺上枱
楊思琦頂硬上講跳水，曾與前南華球員陳七拍拖的妹（李綺雯），亦被委任當足球項目的客席主持。早於 2010年的《世界盃動起來》節目中，李綺雯已被眾主持取笑她與陳七的過氣戀情，故早已習以為常。周二（ 24日），李綺雯在電話中表示：「吓？我未收到通知呀，就算叫我講足球都 OK嘅，都係工作啫，況且我都做過歐國盃同世界盃主持，唔介意被人擺上枱。
但有得俾我揀嘅話，我想講游水多啲囉，我都好鍾意游水。」有得揀，李綺雯亦不想再被勾起與陳七的戀情。除了搵思琦同妹，無綫亦搵了不少女將助陣，當中包括徐子珊和陳美詩等。
妹局住講波
與思琦一樣被擺上 枱的妹李綺雯，對於主持足球項目她一笑置之：「唔介意 嘅，都係做 嘢 啫！」
兩年前，妹李綺雯與前香港球王陳七的親熱照被公開，妹澄清兩人早已分手，而且再見不是朋友。
爛做賺奶粉錢
去年楊思琦未婚佗 B後，到美國投靠兄長兼待產。至今年 3月底，她生完囡囡楊卓穎後回港工作。心急搵奶粉錢的她，對於無綫為她接的所有工作，包括以低價接 job及行性感亦冇 say no。她更直言：「唔理得咁多啦，有錢搵就要做 㗎啦！」單親媽媽真的不易做！
賣唱掘人仔
楊思琦人氣急插，返港後一個月仍未收身便急急出席活動搵錢（右圖），更以特惠價 1萬蚊平價接兩場佛山及東莞夜店的登台騷。
產後下水禮
今年 5月，思琦與敖嘉年、「神獸天使」蔡慧欣及袁嘉敏等到廣州長隆水上樂園拍特備節目，捱足四日三夜。產後不足 3個月的她，更要着比堅尼落水濕身，有傳騷價僅得 6千。 
曾志偉喪玩
其後她隨梁靖琪、湯盈盈等到新加坡拍《五覺大戰》，慘被曾志偉玩謝，聲言要與她玩花式跳水。 
活動談前度
上月，楊思琦與前國家隊奧運金牌得主胡佳出席商場活動。其間司儀多次向她提問跳水的問題，令人勾起她與吳帥的戀情，她卻死撐沒尷尬。
無綫食住上
無綫硬借藝人緋聞谷收視之餘，對亞視這個慣性宿敵亦 㩒住砌。兩台聯手製作 200小時奧運節目，磋商後會安排在明珠台及國際台，由每日下午 4時半至深夜 5時輪流接力播出。
據知「大阿哥」無綫會免費借出電視城錄影廠製作，但每次一齊做節目就只准亞視派出兩位主持亮相，其餘 4個則是無綫主持。無綫人數多人一倍，實在佔盡天時地利。對此，亞視公關區先生直認不諱：「係呀，我哋會搵陳啟泰同朱慧珊入佢哋個廠做主持。」
而無綫綜藝及體育科製作主任李漢源亦表示：「始終我哋係大台，話晒我哋資源完善啲，收衞星亦好啲，所以決定喺我哋呢邊做。」
日前有傳媒刊登奧運賽事播放時間表，還聲言亞視佔盡優勢，可以播放跨欄及跳水決賽等重要賽事。對此無綫卻否認說：「其實兩台會播邊項賽事都未決定，報紙登嘅都只係佢哋自己猜測。」
變陣晒冷
上周二（ 17日），殼王陳國強率領全台 329位藝員出席大晒冷活動。本來呢晚係為打奧運 嘅《玩轉三周 1/2》錄影，但當知道有機攞到奧運播映權，無 綫即時變陣，順道為奧運拍宣傳片。
明星贏亞視
主持食閉門羮
無 綫於上周一（ 16日）安排韓毓霞與陳芷菁飛往倫敦做準備。不過要入場採訪需要 3個月前向奧委會申請，無 綫主持好大機會食閉門羮，只能在場外作有限的採訪。
陳芷菁未有採訪證
雖然無綫對播映奧運賽事運籌帷幄，但實際上仍有隱憂。上周一（ 16日）成功取得倫敦奧運播映權當晚，無綫即安排一行九人做先頭部隊，包括陳芷菁和韓毓霞兩位主持赴倫敦採訪。其後再派朱凱婷接力飛到倫敦，與她們會合，但截至目前為止，無綫外景隊尚未取得奧運場館採訪證，隨時冇機會入場。陳芷菁和韓毓霞惟有先行拍攝在倫敦街頭的奧運氣氛。
為此奧運主持鍾志光亦承認：「其實奧運係要三個月前申請 pass，不過我哋係遲咗遞紙，最壞打算申請唔到，不過我哋都盡力做啦。」對於無綫搵一眾養眼女藝員助陣。鍾即說：「我哋靠專業知識，佢哋靠人氣知名度，各取所長啫！」
群星力撐大項目
今屆奧運主要賽事安排於晚間及深夜時段播映，不過多位藝人表示若不用開工，都會抽時間觀看，支持香港隊及國家隊選手。其中以田徑、體操及跳水項目有最多星級擁躉。
田徑
鄧梓峰：田徑項目夠爆炸力。 
徐子珊：
我鍾意睇劉翔跨欄，希望佢出到賽。
陳倩揚：
今屆港隊入到 4x100十六強，點都要支持。
跳水
唐詩詠：
國家隊強項，一定支持。
黎諾懿：
國家隊跳水技術好高，最有機攞金牌。
體操
留言列表
