夜晚十一點，劇組仲喺旺角街頭拍緊外景。現場所見，番書仔 Jason講對白唔夠流暢，有時難免 NG。嘉欣都算有耐性，無話發脾氣。
媽咪姐
鍾嘉欣專一最強
除咗《回到三國》，媽咪姐呢排都追緊鍾嘉欣同黃宗澤（ Bosco）嗰套《護花危情》，有份幫手令佢暫時成為本年度最高平均收視（ 31點）劇集㗎！不過，戲入面見 Bosco飾演嘅許 Sir咁情深，現實呢，傳聞佢因為連番偷食，而同拍拖 8年嘅胡杏兒分手。唉，都係嘉欣好！
好似早前媽咪姐喺旺角見佢同陳智燊（ Jason）拍新劇《幸福摩天輪》。嘉欣除咗埋位嗰陣會對住 Jason，其他時間佢都係自己企埋一邊 check吓電話有無口訊，唔似其他花旦會撩人傾吓偈放吓電咁。至於等邊個搵佢？都唔使諗啦！梗係用幾年時間奪取芳心嘅打星伍允龍，嘉欣都默認雙方見過晒家長。媽咪姐想同伍生講句，咁乖嘅女仔，列入咗「瀕危稀有動物類」㗎嘞！要好好珍惜。
點解你可以只愛一個㗎？（設計對白）
我夠唔明你點解食得就食咯！（設計對白）
趕進度，一晚拍幾個景，呢場戲就講佢哋周圍尋人。
匿埋傳情
唔使埋位，嘉欣即刻企埋一邊，拎出手機，同男友 WhatsApp，低調又專一。
全站熱搜
留言列表
