high住影
上一版先見完何超儀去養和，呢日佢又俾面去撐陳冠希場，喺 after party仲俾「大攝影家」狂影，真係辛苦晒！
媽咪姐
陳冠希唔影唔舒服
正所謂「江山易改，本性難移」，就以「大攝影家」陳冠希（ Edison）嚟講吖，佢自「艷照門」事件之後，避走美國，事業插水。之不過，咁都無阻 Edison對「影相」嘅熱愛㗎！如果唔係我哋又點會認識到佢嘅「私家 model」 𡃁模 Cammi（謝芷蕙）呢？
更難得嘅係，雖然佢後尾同 Cammi反面，但對「影相」嘅熱誠有增無減！就啱啱之嘛，阿陳生出席新商場兼自己嘅時裝新店開幕禮，繼續機不離手，先反拍記者，再喺店入面見人就影， high到爆。佢仲話：「我依家對拍拖、鍾意女仔呢啲嘢，方向好亂！」嘩，又 high又亂，小心又出事喎！「大攝影家」陳生。
喺 after party， Edison影完人，又同兩個家姐合照。都好嘅，有屋企人喺度睇住。
影記者
做完開幕禮， Edison已經揸住部機，反拍記者成分鐘，連工作人員都望住佢。唔驚，記者着夠衫嘅。
全站熱搜
留言列表
