南華會永久會員
Kent哥在南華會打波多年，已是永久會員。打波當日，當他行到櫃枱時，不用出聲，職員已醒目遞上私家波給他。而他每打一球波均聚精會神屏息靜氣，十足職業球手。
滾熱辣
業餘教碌齡 50吋巨肚鄭則士撼贏劉華
鄭則士（ Kent哥）和黎耀祥繼倉底貨《盛世仁傑》爆冷贏盡收視後，同款劇《造王者》今周新登場，影帝、視帝再次展開大格鬥。
論身形，佗住 50吋巨肚的鄭則士相比黎耀祥，當然較為輸蝕，不過行步路都喘晒氣的他，在保齡球界竟然係隱世高手，幾乎鋪鋪全中打過 200分，就連自命係「碌齡神童」的劉華，鬥親波都甘拜下風，認真估你唔到！
Kent哥在《造王者》宣傳活動中，揹住身形較嬌小的姚子羚玩遊戲，但都玩到喘晒氣嗌救命。
上周三（八日），《造王者》一眾藝人在荃灣出席宣傳活動，席間鄭則士和黎耀祥分別要揹住劇中女主角姚子羚和田蕊妮玩扯大纜。縱使 Kent哥揀了磅數較輕的姚子羚，但玩遊戲時，依然氣喘如牛，大汗疊細汗。他亦自嘲說：「我一把年紀，仲玩埋 啲咁 嘅 嘢，真係搵命搏！」
齡場生猛
在宣傳活動中無厘神氣的 Kent哥，其後獨自駕車到南華會保齡球場。換上球鞋和手執私家波後， 61歲 Kent哥即時脫胎換骨，只見他滿場飛與打波的人打招呼，更單挑現場一個四眼教練。現場所見， Kent哥體形份量十足，記者都戥佢有少少擔心，但結果兩局下來， Kent哥以平均 202分大勝該名教練。
除了搵人操波，記者亦見他耐心地教身邊一個只得八、九歲的小朋友打波手勢。 Kent哥好友表示：「其實 Kent哥做戲之前，已經攞過保齡公開賽冠軍，不過之後有一段時間丟低冇操波。依家佢一得閒就會去南華會教 啲小朋友打波，教人純為興趣， Kent哥冇正式收學費 㗎。佢 啲學生都係象徵式幫佢俾鐘錢，每次大約一百蚊啦！」
球球全中
記者見 Kent哥打足五局，幾乎每一球都係全中或補中，從熒光幕顯示，其中一局更高達 234分，神乎其技。
劉華唔認輸
06年劉華與鄭則士參加「東華慈善保齡球大賽」，鄭則士奪得冠軍，劉華屈居第三，自此之後，劉華經常搵 Kent哥鬥波。
「肥貓」變「殺人鯨」
教 𡃁仔波
Kent哥在球場上業餘教小朋友碌齡，雖然礙於身形，但其手勢就十分標準。
Kent哥在圈中球技亦所向披靡，未逢敵手，就連出名「球癡」的劉華，經常搵他鬥波亦幾乎鋪鋪輸。「華仔同 Kent哥幾年前參加東華慈善盃個比賽，雖然分數咬得好緊，不過 Kent哥最後都贏 咗。輸 咗波 嘅華仔之後就成日搵 Kent哥鬥波，不過賽果分別唔大。所以我 哋私底下改 咗 Kent哥花名做『殺人鯨』，即係見人就殺，而華仔就叫『海水』，因為佢打波唔會飲綠茶，而係狂隊三、四支蒸餾水。」
寧打波唔拍劇
近年鄭則士主力北上拍劇掘金，早前鬧中生荒的無 綫，有傳打算簽他做親生仔拍劇，不過遭他一口拒絕。日前 Kent哥接受本刊訪問時，大呻無 綫人工奀，寧願打波過日辰好過。「講真句，就算拍劇都會揀返大陸拍囉，大陸多幾倍人工啦，有得拍都唔想返 嚟。我之前睇雜誌話鄭嘉穎 喺無 綫都有兩萬蚊一集 吖，我 喺無 綫都冇呢個價，點搞呀？有時間都寧願打吓波啦！（你教小朋友打波？）邊度話教 吖，大家切磋吓、傾吓偈！（你係咪次次都贏劉華？）係佢讓我 啫！」
老夫少妻 依然恩愛
鄭則士和老婆林燕明結婚多年，現時育有 20歲女兒和 16歲兒子。即使年齡相差廿年，依然恩愛。周日（ 12日）記者便見到二人到灣仔一茶餐廳撐枱腳。
老外問路靠老婆
二人離開茶餐廳時，有老外問路， Kent哥即交由老婆頂上解答。
《造王者》下周必睇位
視帝祥抄家放逐 敖嘉年打到殘廢
宮廷鬥爭戲一向有市場，由鄭則士和黎耀祥孭飛的《造王者》，二人為捧各自擁立的太子上位做皇帝，繼續惡鬥。
初段忠忠實實的黎耀祥，下周俾天敵鄭則士陷害，搞到同弟妹失散，仲要流放塞外十年。至於原本坐硬太子位的敖嘉年，就俾奸妃郭少芸靠害，在金國受盡凌辱，搞到人唔似人，狗唔似狗，認真慘！
第 6集
祥仔兄妹失散
黎耀祥（余靖）保護不力兼被鄭則士（董昭）放暗箭，遭郭鋒（皇上）發配放逐到崖州坐監，其時他被抄家，黎與弟妹鄧健泓（常喜）及唐詩詠（樊紅纓）亦從此失散。
黎耀祥遭鄭則士迫害，收監兼抄家。
祥仔被流放崖州收監十年，日日俾官差打，苦不堪言。
求你哋手下留情，唔好打我！
俾官差打到嘔血不特止，黎耀祥還要每日被五花大綁遊街，相當慘情。
獲皇上郭鋒大赦放監的黎耀祥，竟成功營救敖嘉年立下大功。
大太子唔使驚，我一定帶番你入宮見母后。
第 7集
敖嘉年變低能
在金國受盡凌辱的敖嘉年（趙貴誠），日日被毒打，打到低能咁滯，後因受驚過度，失去說話能力，只能吖吖聲似足野人。 
在金國期間，敖嘉年一度流落街頭淪為乞丐，更淪落到要食地上的泥同樹葉頂肚餓。
在金國被扣押足足十年為人質的敖嘉年，要赤腳行火炭，被虐方式日日新鮮。
第 8集
祥仔打爆鄭則士
太子幸得黎耀祥營救。黎立功被苑瓊丹（皇后）再次召入宮扶助敖嘉年，眼見鄭則士變節幫郭少芸，盛怒之下一拳又一拳「舂」爆鄭。
第一天入宮，祥仔遇上鄭則士，祥仔即忍唔住出拳「舂」呢位死敵。
黎耀祥不堪鄭為一己私欲，把女兒兼黎的初戀情人姚子羚嫁給大奸臣李國麟，即火上加油，在眾臣面前也要出手。
鄭則士向祥仔堅稱一切有誤會同苦衷，但祥仔不理會。
第 9集
祥仔詩詠玩亂倫
唐詩詠（樊紅纓） 4歲時與黎耀祥失散，年紀太小沒有記憶。她與黎初次見面已因誤會而郁手殺黎耀祥。二人後來同時被郭少芸等人追殺，祥仔挺身為唐擋刀，詩詠竟對親大哥祥仔暗生情愫。
唐詩詠與祥仔因幫會事多番爭執，唐亦毫不客氣執刀直捅祥仔。
後來祥仔不計前嫌，捨身為唐詩詠擋刀。
祥仔捨身相救，唐詩詠即對他暗生情愫。
留言列表
