電話長響
封口多日，上週五（ 7日），陳奕迅拖實老婆徐濠縈開記招發聲明，力撐老婆既無吸毒習慣，亦從未托人致電黃浩。
封面
「開飯」鬧劇 愈揭愈臭 A先生迷姦水夜場呃女
娛圈 23人「開飯」羅生門，自上月 22日爆煲後一發不可收拾，進入第三週，又有新發展：黃浩報警聲稱被掌摑；江湖傳聞陳奕迅托志偉出面擺平； Eason帶埋老婆開記招發聲明全力反擊；然後輪到黃浩反口話冇睇過有關影片再被志偉暗諷食屎狗……峰迴路轉，買花生等睇戲都買窮！
到底誰是誰非，家陣個個都話進入司法程序封晒口。但據傳和飯局風波中有關的 A先生私生活疑似不正派，早年更被蒲友目擊疑用迷姦水在夜場釣𡃁模！
上週三（ 5日），黃浩夫婦出席前港姐鄭嘉雯婚宴時報稱被掌摑，將擾攘三週的 23人飯局事件推至另一波高潮。
聯絡唔上
唔知有件咁嘅事！
電話長響
同飯局有關嘅人唔想再講！
夜場打交就聽過！
A先生多年前疑似企圖用迷姦水食𡃁模，點知誤被同場音樂人飲落肚。
夜場落手
最新發展，涉及掌摑事件的志偉在東華夜發表「食屎狗」偉論後，圈中好友個個話撐；至於陳奕迅上週五（ 7日）開完記招後則全面封口，週日晚上自上海完成個唱後回港，全程沉默；自言一向「大事化小，好被動」的黃浩就唔認睇過影帶，又連日出入帶住一對黑人保鏢護駕。出席婚宴後的黃浩，由高調轉為低調。
到底去年 10月 15日當晚在食肆 VIP房內發生何事，留給警方查清楚，不過隨着牽連人物愈來愈多，臭史亦愈爆愈多。
據知情人士透露，和「開飯」事件有關的 A先生，早年夜夜笙歌是夜場常客，而 A先生又生性風流。不過 A先生命中率不高，因此使橫手，其中一次更疑似使用俗稱迷姦水的危險藥物，意圖在夜場迷𡃁模。
Volar落藥
事發於名人明星極吹捧之夜店 Volar，有目擊者指 A先生在派對飲品中加入迷姦藥，企圖迷暈在場𡃁模。
事敗速閃
迷唔中𡃁模，卻把千杯不醉音樂人迷暈，現場人士懷疑有人做手腳尋找真兇之際， A先生趁亂逃脫。
迷錯隔籬
知情者透露，事件發生於備受圈中人吹捧的長青夜店 Volar，約 5、 6年前的某晚，有人吹雞開 P，座上客包括 A先生、數名音樂人及多位𡃁模。
A先生疑趁其不備，在幾名𡃁模面前的其中一杯飲品內「加料」，等女上釣之際，竟被圍內一位近年已淡出香港的年青音樂人誤飲。
音樂人出名千杯不醉，當晚卻一杯落肚即時不省人事，在座友人及𡃁模估計飲品被加料， A先生即時趁着混亂速逃。
牽連甚廣
其實除了疑似迷姦水「女殺手」及今次 23人飯局羅生門，圈中人涉毒新聞此起彼落從無間斷，今次傳玩到迷姦水咁誇，記者致電「開飯鬧劇」相關人士，一概回應未有聽聞。
黃浩表示：「打交爭執呢 啲有聽過，但係迷姦水真係冇聽過。今次單 嘢（指飯局風波）我都唔知佢 哋點解搞我，但我好公道，冇聽過佢 哋有用過迷姦水！」
次次玩到不醉無歸嘅志偉就話：「我冇聽過，關於今次飯局任何人嘅事我都唔想再講。」至於一向群埋 Eason、超儀一齊玩，於週日《歡樂滿東華》力挺志偉嘅梁漢文，則透過經理人回覆：「從來冇聽過呢件事！」至於其他被捲入「開飯」是非的圈中人如 Eric Kwok、李璨琛及陳奕迅等，則於截稿前尚未回覆。
阿徐飯腳何超儀巴黎散心
遠走花都
「迷幻飯局」疑案爆出後，何超儀一直潛水，甚至連頒獎禮都缺席，對上一次見佢，已經係上月 23日老死 Eric Kwok（郭偉亮）與葉佩雯的婚禮。
超瓊力撐
《蘋果日報》圖片
上週五(7日)，超瓊亦開聲撐超儀：「 Josie兩公婆都注重健康，會做運動，佢承受唔少壓力，但佢唔使靠呢 啲 嘢(毒品)。」 
阿徐表示飯局期間眾人沒有飲酒，飲品只得中國茶及汽水，而陳子聰和攝影師 Paul Tsang面前飲品，又看似只得汽水及果汁。
葉佩雯反擊
除 咗發聲明，阿徐亦快黃浩一步公開去年 10月 15日飯局私相簿，而同枱的葉佩雯（白圈）則說：「如果有片唔該攞出嚟，𠵱家係我哋有相先！」
廿四味 Kit未蒲頭
傳聞指飯局間阿徐飲大後失控咀廿四味成員 Kit（白圈），不過相片中可見阿徐甚為清醒，但 Kit自從事件後未再有公開露面兼出聲。
迷姦水可致命
本港於今年中修例將伽瑪丁內酯（ GBL）納入危險藥品條例監管，伽瑪丁內酯（ GBL）是製造俗稱「迷姦水」羥丁酸（ GHB）的主要原料。「迷姦水」只需 10多分鐘見效，藥效 3至 4小時，由於無色無味，加上在體內代謝極快，逾 6小時便查不出任何證據，而當事人醒後無記憶，但藥劑師警告，過量攝入 GBL可致死，亦曾有人喝下這些「迷姦水」後斃命。
迷姦水雖為危險藥物，但仍有外國及內地網站售賣。
早前自首的台灣闊少淫魔李宗瑞，亦涉嫌以藥物迷姦女性。台灣《蘋果日報》圖片
留言列表
