跳到主文
部落格全站分類：偶像明星
娛樂八掛大放送★
娛樂 週刊 雜誌(2014-2015)☆
娛樂 週刊 及 雜誌(2012)☆ 娛樂 週刊 及 雜誌(2013)☆
細細粒聲音嬌嗲，又有西班牙、菲律賓混血輪廓，先天已經優勝，後天更有黎明做幕後軍師，憑住初出道未見其人先聽其聲玩神秘感，擁有跳舞底子、醉心於 R&B及 Hip Hop音樂的 JW（ Joey Wong），今年繼續在鏡頭面前大跳勁舞。繼早前大熱情歌〈飄浮女孩〉後， JW最新動向先有〈 Feel The Bass〉大玩超級高清 4K拍攝技術，再來搞跳舞比賽，今天再讓我們認識這位 J to the W the dancing girl。
〈 Feel The Bass〉比高清更為清晰四倍的 4K效果拍攝，務求將 MV內各種層次及色彩呈現在電視畫面上， MV在土瓜灣舊樓及中環 ifc附近拍攝，所有服裝及布置，由藝術總監馬天佑及團隊負責，叻。
〈 Feel The Bass〉實戰在中環街頭跳，跳到連監製錢國偉親自點名成〈夜蒲 3〉主題曲，「 6月在 Mark Lui演唱會唱〈 Do Me More,Juicy Girl〉， Wilson（錢監製）好鍾意聽，剛巧出〈 Feel The Bass〉，佢就好希望成為電影主題曲。」新曲叫大家感受跳舞節奏，原來 JW在家中都好鍾意 feel the bass，「關埋房門開盡個 bass聽 R&B歌，最鍾意 Rihanna，重低音勁到沖緊涼的家姐，都要走入來一齊同我一路聽一路跳。」
參賽者只需以 JW〈 Feel The Bass〉的選段（不超過 2分鐘）自創舞步，然後拍下錄像，寄去有關地址。贏咗有試鏡合約，跳舞愛好者必玩。詳情： http://hk.ent.yahoo.com/jw/
細個學過芭蕾舞，大個學 Jazz Funk， JW睇埋前排大熱《狂舞派》，感受到跳舞讓自己更 passionate，「唱完慢歌之後，好上出快歌，讓自己更熱血。」〈 Feel The Bass〉是本地首隻 MV採用 4K技術拍攝，投資達 6位數，老闆黎明可真錫住 JW，「因為係超高清，所以拍攝前戒食我最愛的薯條，又要晚晚敷 mask。」公司更為新曲搞跳舞比賽，評判之一的 JW就有咁嘅分享：「舞步最緊要有原創性，同埋團體 power最緊要。」各參賽者記住喇。
自細鍾意 R&B同 Hip Hop， Rihanna、 JayZ同 Kanye West等日日聽，估唔到 JW都鍾意 sneaker，上星期在個人 Instagram（@jwchubz）就 post咗有人送的 Lebron 11籃球鞋畀佢，好 sweet咁喎！
早前派台大熱〈飄浮女孩〉大獲好評，上過不同排行榜三大， MV中 JW極度慘情，在大雨中與男友攤牌分手，現實中的 JW，卻一點也不「飄浮」，「自我保護性好強，我會選擇離開。呢種自我保護甚至保護埋身邊女性朋友。」 JW笑言從來不會像 MV中的歇斯底里，「哈哈，都係從身邊朋友經驗演繹出來。」演得咁真，有無諗過拍戲先？「隨遇而安啦，黎生無規限我條路點行，佢話最緊要自己唱得舒服，拍得開心。」有個咁好的老細， JW真係幸福！
撰文：陳家豪攝影：葉曉明化妝、髮型： Sheryl Chan服裝： SLY@SHEL'TTER
TVB娛樂八掛週刊雜誌大分享☆
tvb4life 發表在 痞客邦 留言(0) 人氣()
留言列表
留言列表
