這場由吳卓羲、張馨予和 X小姐演出的「三角情仇」，三方都成為輸家。吳卓羲兩個情敵在電話隔空駁火，三角戀演變成罵戰。
滾熱辣
張馨予 X小姐電話對質 踢爆吳卓羲大話精
本刊上期踢爆吳卓羲背住國產女友張馨予，搭上富家女 X小姐。 X小姐不甘淪為吳卓羲的縱慾玩伴，決定一拍兩散，更公開年半來和他的情慾短訊和錄音。錄音中，吳卓羲要求 X小姐交換裸照，命令她着住粉紅色內衣影相，非常露骨。
儘管證據確鑿，但吳卓羲卻向外堅稱冇同 X小姐拍過拖，將性醜聞解釋為「一場誤會」，企圖淡化事件。
吳卓羲深知事態嚴重，上周三（ 7月 25日）趁報道還未出街，秘密趕赴北京向張馨予求饒兼箍煲。據知當時吳卓羲死口唔認同 X小姐有路。但被呃足年半的張馨予唔甘心，親自打電話俾 X小姐對質，追問對方有冇同吳卓羲瞓過。 X小姐親口認咗曾與吳卓羲上牀。
吳卓羲一個大話冚一個，真係信唔過。
上周二（ 7月 24日），吳卓羲向記者揚言同 X小姐冇關係，但他之後即買機票，翌日秘赴北京向張馨予請罪。
上周二（ 7月 24日），本刊記者手執吳卓羲和 X小姐的「情慾短訊」證據，追問吳卓羲與 X小姐的關係。食女經驗豐富的吳卓羲，當然例牌否認。
趕赴北京請罪
吳卓羲上周三（ 7月 25日）即日漏夜返港，上周四晚即到澳門登台。連日頻撲，難怪在碼頭對記者黑面。《蘋果日報》圖片
吳卓羲表面上冇將此事放上心，但實情他驚到甩褲。據知當日他馬上 book機票，翌日（ 7月 25日）趕赴北京，向張馨予備案。知情人士說：「雖然阿 Ron（吳之洋名）同張馨予已經分手，但佢哋大家仍然當對方係好朋友。阿 Ron當然想有得掹，當時阿 Ron同張馨予講話同 X小姐只係朋友關係，純過蒸餾水㖭！」
據知吳卓羲當日中午便抵達北京，除親自向張馨予解釋他和 X小姐的關係外，更藉住今次見面機會箍煲。「張馨予有花時間聽佢講，只不過張馨予已經同咗李晨一齊，所以堅持唔會同阿 Ron喺番埋一齊。」復合無望，吳卓羲惟有死死氣漏夜返港。記者曾就此事問過吳卓羲，他承認當天去過北京，口窒窒辯稱：「唔……唔……我返去影廣告 poster，影咗兩個鐘吖嘛！」
張馨予凌晨出招
雖然吳卓羲口口聲聲話冇同 X小姐鬼混，但張馨予依然覺得事有蹺蹊，怒氣難下，從不同途徑搜刮 X小姐的電話號碼，決定自己搵出真相。
上周四（ 26日）凌晨一點，張馨予懶理擾人清夢，親自打電話同 X小姐對質。知情人士說：「夜媽媽忽然有個內地嘅電話， X小姐起初當然冇接聽啦！」
電話第三次響起， X小姐終於接聽，知情人士續說：「張馨予禮貌咁介紹自己後，聲線立即變得嚴肅，不停向 X小姐窮追猛打，質問佢同吳卓羲到底係咪嚟真，究竟係咪真係上過牀。」儘管 X小姐竭力向她澄清並非要爭甚麼名份，但張馨予似乎聽唔入耳，情緒愈來愈失控，「當 X小姐提及吳卓羲呢幾日曾經打咗十幾次電話俾佢嗰陣，張馨予即刻好緊張，猛問 X小姐究竟同吳卓羲有冇上過牀。 X小姐答佢唔係晚晚瞓之後，張馨予仲窮追猛打，擔心 X小姐會同吳卓羲再搞埋一齊。」雙方電話角力近半小時。
足本對質內容
知情人士向本刊記者轉述，張馨予上周四（ 7月 26日）凌晨，打電話俾 X小姐。由於張不諳廣東話，故要求 X小姐講普通話。二人傾了半小時，火藥味甚濃，張更想約 X小姐當面講數。
張：張馨予 X： X小姐
張：你好，我係張馨予。
X：甚麼？
張：我不是想跟你爭甚麼或吵甚麼，我只是想知道真相。
X：其實我已經跟雜誌說了，我目的不是想跟你爭，我真的不想再提起這個人。
張：今天他飛了過來找我，說是你想炒作，不是真的。
X：你們不是已經分手嗎？
張：他一直都有叫我跟他復合，剛才他說希望我支持他。
X：我不是甚麼明星，不用炒作。我只感到他每一次說跟你分手，但是原來每一次都是假的。
張：他說沒跟你睡過，而且我每晚也有打電話給他，難道你不知道？
X：我不是每晚陪他睡，我不想再說了！你看雜誌就知道真相！他已經恨我，這幾天打很多次給我，但我沒接。
張：你還喜歡他？會不會復合？
X：不會，我已經看清楚他，否則不會走到這一步。
張：我也不會（復合），你不要那麼傻，看吧！有機會出來見個面。
X：看看！
X小姐發聲明
吳卓羲被本刊踢爆搭上 X小姐後，張馨予連日來在微博控訴吳，揚言今次「鐵證如山」，再無原諒他的餘地。不過吳卓羲向外辯稱同 X小姐「只係識咗幾年嘅朋友」，更揚言情慾短訊流出一事純屬誤會。
周三（ 1日） X小姐向傳媒發聲明，重申她和吳卓羲純綷「好朋友」，知情人士說：「 X小姐根本唔想再搞事，不過有人擔心形象受損，所以逼佢發。」記者發現聲明中， X小姐刻意用引號括住「好朋友」三字，暗寸有人食完唔認。據知 X小姐將會離開香港這個傷心地，毋須自揭瘡疤炒作。看來傷了的女人，真的別走這樣近！
徐子珊唔幫口
吳卓羲近日正忙跟緋聞女友徐子珊拍新劇《戀愛季節》。提起吳卓羲花心一事，徐就說：「唔覺佢（吳卓羲）因情慾短訊有異樣喎！」潛台詞指吳對這類事情見怪不怪。《蘋果日報》圖片
X小姐有骨聲明
張馨予不停扮慘
吳卓羲花心男現形，張馨予為求藉此洗脫國內女子「不擇手段達到目的」形象，連日來於微博放「慘樣」大頭相。
自揭紋身
張馨予趁風頭火勢，在微博自爆將會洗走「 Ron」字（吳卓羲洋名）愛的紋身。周六（ 7月 28日），正在北京拍劇的張被大批傳媒採訪，於是她有意無意亦露了腰間的「 Ron」紋身。
官恩娜踩多腳
一直抗拒再提吳卓羲的官恩娜，周日（ 7月 29日）突然在微博踩多腳，為自己當年被吳卓羲狠飛一事出番啖氣。不過她隨即刪去留言。
網友贈興
留言列表
