媽咪姐
鄧麗欣代「夫」出頭
最近忽然有雜誌報道話方力申同鄧麗欣（ Stephy）呢一 pair其實結咗婚，但又離咗婚！咦，咁咪係鄭中基同阿 Sa嘅翻版？唔係又咁不幸吓話？
睇真啲個報道，消息原來係亞視台某爆料節目傳出。而喺報道出街幾個鐘後， Stephy就神速喺微博話「無聊報道十年如一」，又話自己充滿正能量，多謝關心！從字裏行間睇嚟， Stephy同方力申通晒消息先發布呢篇「澄清 啓事」，仲要 post喺女方嘅微博上，一睇就知呢段關係邊個話事啦！而男主角呢，就笑住話如果結婚一定擺酒，因為 friend多賺硬呀！咁其實方力申今年 32歲，鄧麗欣都 28歲，結婚生仔亦係時候，諗諗佢啦！
近年方力申同鄧麗欣傳咗多年嘅地下情開始浮出水面，仲不時以情侶檔出騷拍劇搵錢。所以「婚變」消息一出， Stephy即刻喺微博否認，梗係啦，斷財路喎！
方力申喺微博話自己啱啱去完四川認養咗隻大熊貓，仲取名「方方」。但啲是非嘢，就交晒俾 Stephy澄清。
全站熱搜
留言列表
