67歲的邵音音，大半生經歷唔少風風雨雨，但有子女萬事足，生活亦無憂，一切總算捱過去。
搜尋氣
邵音音 我冇愛過老公
邵音音，在《低俗喜劇》內雖只客串幾分鐘，但已搶盡鋒頭，彭浩翔更說計劃開拍《官人我又要》，直頭找余文樂孖她合演。畢竟入行 40年，演戲，她易如反掌，現實中的一齣戲，才教她難演。
原名倪小雁的她， 1976年拍《官人我要》一脫成名，至 84年下嫁馬來西亞富商陳耀發，表面係幸福少奶奶，實情有苦自己知：「我從來都唔愛佢！佢只係攞我嚟開玩笑！」
沒有老公的大屋
我一生遇到嘅人都係衰人，連老公都係咁。當初見佢幾老實，我又想有家庭，朋友叫我嫁咁咪嫁囉！婚姻對我嚟講係一件好大嘅事，但係佢同我結婚都係諗住攞我嚟開玩笑，連佢都係咁講，仲同朋友打賭話我唔會走，所以我唔同佢講嘢。後來佢有其他女人，我好嬲，個個女人我都見過，個個都想趕我走， 喺我面前講難聽 嘅說話，但係我就唔走，我係都唔離婚！老公係自己揀嘅，你有本事可以改變佢，不過佢係咁㗎，你咪走囉，但走得去邊啫？
演《低俗喜劇》的一場戲，邵音音要大爆粗口， XYZ一出，觀眾就笑。
76年的《官人我要》，邵音音大膽演出，更不惜露兩點。
喺呢度（香港）成名喺呢度衰，啲人鍾意睇到我衰，話我整容失敗，咪由得人哋講。初出道因為貪靚 喺下巴打過一針，但後來喺屋企跌親，成個鼻骨碎晒，縫咗好多針，眼、鼻同鼻入面都有縫。連下巴都移埋位，想再整正佢，但係醫生話再整會傷到神經，所以冇得整，我啲面部肌肉僵硬晒，我 𠵱家做唔到大笑表情，如果要話我整容失敗，就係咁！
DaDa喺戲入面都係露條線啫，根本 𠵱家啲模保守好多，我哋 嗰個年代冇模呢個名，只會叫脫星。佢哋都係因老闆有咁嘅需要先性感啫，要紅又想出名惟有搏命啲囉！彭浩翔導演開《官人我又要》，冇當面問我拍唔拍，等佢寫好劇本先啦！不過《低俗喜劇》咁收得，我唔相信佢（彭浩翔）有咩本事可以寫到一部戲，可以再畀觀眾大笑。如果佢可以，唔使請，我都自動請纓拍！
跟 2名子女住九龍塘又一村二千呎單位，舊居加多利山獨立屋還大十倍，邵音音說老公每個月會回港交租兼畀家用，仲要有 2名工人用，音音姐生活其實唔潦倒。
音音姐成屋都係舊照，好多都是她後生時影落的，更難得的是一張全家幅。
留言列表
