跳到主文
部落格全站分類:偶像明星
娛樂八掛大放送★
娛樂 週刊 雜誌(2014-2015)☆
娛樂 週刊 及 雜誌(2012)☆ 娛樂 週刊 及 雜誌(2013)☆
嘩! William喺邊?(設計對白)冇留心台上有一級(箭嘴),幾乎失平衡嘅阿 Sa,嚇到係咁拍心口。
上星期三(九月十二日),阿 Sa蔡卓妍以代言人身份出席鞋店活動,示範行 show,但因為冇留神台上有一小級,阿 Sa幾乎仆低,好在佢當日著嘅唔係啲七、八吋高踭鞋,只係「舂」咗吓,不過都嚇到狂拍心口,驚餐死!
之後仲要出場做謝幕,大會臨時拉夫,捉埋黃耀明上台,幫手做阿 Sa扶手棍,明哥亦冇怠慢,全程又拖又扶,直至返入後台。Well,如果當日 William陳偉霆都有份出席活動,上台護駕嘅,自然輪唔到明哥;情侶檔點解要收貴啲,的確有佢道理,陳偉霆同黃耀明互換,效果會差好遠!就算冇 C1,都肯定做到其中一版嘅頭吖!唔似得呢鋪,阿 Sa幾乎仆親,都要俾同場嘅苟芸慧同岑麗香冚晒,舊不如新,冇計!
兩個宅男女神苟芸慧、岑麗香同場,搶咗活動代言阿 Sa唔少鋒頭。
大會臨時搵黃耀明陪做謝幕,有陰影,就算有扶手棍傍住,阿 Sa驚再跌,係咁 𥄫實地下行。
撰文:八珍
TVB娛樂八掛週刊雜誌大分享☆
tvb4life 發表在 痞客邦 留言(0) 人氣()
留言列表