博出位
人月兩團圓
一班藝人平時忙到甩轆，連休息都冇時間。不過每逢佳節倍思親，佢哋亦趁住一年一度嘅中秋節，同家人、好友歡聚一番，好 warm呀。
汪明荃
搵謝雪心陪玩
外表嚴肅嘅汪明荃，原來亦有童真一面。早幾日，佢同老公羅家英約埋好友謝雪心齊齊過節，兩個熟女一齊玩燈籠食月餅。你睇，拎住兔仔燈籠嘅汪阿姐係咪好可愛呢？
郭羨妮
囡囡玩金魚
自 5月生下女兒 Kylie，郭羨妮火速復工，近日又同陳錦鴻、黃浩然合拍民初劇《初五啟示錄》。慶幸佢迎月夜唔使開工，可以同囡囡玩金魚燈籠，歡度第一個中秋。
黎淑賢
闔家闢謠
早排俾人傳老公有二奶嘅黎淑賢，事後就話對老公百分百信任，亦唔會 check佢電話。上周六，兩人仲同埋囝囝喺屋苑中秋晚會玩樂。希望偷食新聞只係傳聞啦！
蔡一智
三女團圓
蔡一智一向愛錫家人，同老婆周雪芳感情要好。佢一唔使開工，就會陪妻女玩。中秋節當晚，佢一家四口到公園聚餐兼散步，簡單過節。
吳啟華
北上過節
07年，吳啟華娶咗長春姑娘石洋子後，第二年仲生咗個女。今個中秋節，佢放棄同朋友到美國旅行，返長春陪妻女過中秋。佢囡囡 4歲大，個樣生得相當標致。難怪吳啟華當正佢係 model，不停更新囡囡玉照啦。 
全站熱搜
留言列表
