金剛齋爆買酒返屋企隊
早前本刊踢爆金剛借《五覺大戰》神獸天使蔡慧欣(Gemma)做煙幕，話對人有好感，但原來暗中已經溝掂Sing之天使雪梨林芊妤(coffee)，低調拍拖！
拍拖唔可以見光，金剛出街買唯有搵同性朋友陪啦!日前好姨見到金剛同男友人九龍圓方出現，泊好車後兩個麻甩佬先去HMV買碟。金剛巡晒全間鋪，揀廿分鐘，買到幾隻電影DVD同CD。
買完之後，金剛再同男友人行去附近餐廳醫肚。兩個揀間西餐廳，叫漢堡包同沙律成食，但心不在焉金剛全程只顧講電話。坐唔夠半個鐘，金剛突然示意要埋單走人，男友人只有無奈照跟。
原以為金剛趕住返屋企交人，點知佢返屋企前先去超市掃貨。除廁紙同食之外，金剛仲掃支伏特加返屋企慢慢歎。又，街上耳目眾多，住架戰車去飲酒又唔可以酒後駕駛，屋企玩點都安全。
放大圖片
全站熱搜
留言列表
