跳到主文
部落格全站分類:偶像明星
娛樂八掛大放送★
娛樂 週刊 雜誌(2014-2015)☆
娛樂 週刊 及 雜誌(2012)☆ 娛樂 週刊 及 雜誌(2013)☆
一對新人好識做,禮成後即嘴嘴給傳媒拍照。
臨近年尾,個個都趕住做龍年新娘,政商界喜事,早前有霍家娶新抱、港龍太子女嫁金礦,上週六就輪到前香港經濟發展及勞工局局長葉澍捬娶新抱。做投資銀行 嘅葉澍堃長子葉瀚林,同拍 咗十年拖 嘅女友朱敏盈 喺中環聖約翰座堂舉行婚禮,新娘子 嘅婚紗由曾為郭晶晶、徐子淇設計晚裝 嘅設計師 Vivian Luk設計。問朱敏盈老公點求婚?佢甜笑話:「上年去 咗法國巴黎慶祝拍拖九周年,租 咗架馬車遊覽 咗一個鐘,返酒店見到張床用玫瑰花瓣鋪住『 MARRY ME』,好感動,都有眼濕濕。」
不過當日只係簽字註冊同行禮,十五號先 喺四季酒店擺酒。首度娶新抱,葉澍捬心情興奮,佢話今次婚禮係阿仔同新抱自己一手一腳搞掂,「見到個 run down,仲勁過我做官 嗰陣時。」問新奶奶關勝財有冇家傳之寶俾新抱?佢笑話:「我個仔囉!」
就連掛花鐘、拎場刊,新郎哥都親自郁手。
細佬葉瀚華亦幫手搬 枱。
周啟邦新抱黃泳霖帶埋兩歲半的大仔周禮淳(右)及五個月大的細仔周禮熙去觀禮,「同新郎係 JP Morgan舊同事。」
雖然拍拖十年,但依然 keep住 sweet,平時影相仲好有情趣,互餵食 嘢、又整「 LOVE」旗仔,真係睇到會心微笑 㗎。
撰文:名人組攝影:李敏軒
TVB娛樂八掛週刊雜誌大分享☆
tvb4life 發表在 痞客邦 留言(0) 人氣()
留言列表