小特搜
遮風擋曬
上周十號風球殺埋身，轉頭酷熱天氣警告又生效，陰晴不定的天氣令人煩厭。
一班藝人為了遮風擋曬，隨時帶住遮和黑超開工傍身。
李亞男擔千蚊遮
鍾嘉欣吹爛遮
上周一（ 23日），颱風韋森特突襲，吹爛咗鍾嘉欣把遮，她說：「把遮日本貨嚟㗎，要成 500幾蚊；用咗幾年我都仲係咁鍾意，貪佢又輕又防 UV，都唔捨得換第二把，甩咗幾次線都係我自己聯番。」使唔使咁慳呀！
牌子：不詳
價錢：約$500
購自：日本
鍾嘉欣呢把遮俾颱風吹到遮骨都起埋，她苦笑話：「係爛少少啫，我用針線聯下咪得囉！」
郭晉安戴超偷懶
安仔收藏咗十副黑超，但最愛呢一副機師型黑超，開工出街必備，貪佢鏡面夠晒黑，他說：「攰攰哋戴住瞌吓眼瞓都唔覺，以前仲成日戴住嚟出鏡㗎。我買嗰陣唔係好貴啫，都唔使一千蚊，但係有次出外景，導演拍近鏡，副眼鏡居然反映到個攝影師，搞到要拍過。」
牌子： RayBan
價錢：約$980
購自：香港
𡃁妹晒新歡禮物
「 𡃁妹」李綺雯手上呢副黑超唔係咩貴價貨，但就已經成為絕版。「話佢係絕版，因為市面上經已唔會搵到第二副。有次我唔小心打爛咗隻眼鏡臂，男朋友拆咗對普通近視鏡個臂換上去，竟然出奇咁夾。我事先聲明呀，呢位男朋友唔係陳七呀！」
牌子： Mango
價錢：約$750
購自：男友送
萬綺雯痛住戴超
正忙於為無綫拍劇《老表，你好嘢》嘅萬綺雯，原來有「黑超恐懼症」，她說：「其實我最怕戴太陽眼鏡，唔係曬到我死我都唔會戴，因為我一戴眼鏡就頭痛。近視就話可以戴隱形眼鏡啫，但冇嘢可以代替黑超，所以對黑超我又愛又恨㗎，屋企成百對黑超我冇乜點郁過。」
牌子： D＆G
價錢：約$1,800
購自：香港
全站熱搜
留言列表
