激烈扯爛衫
一人有一個特性。張繼科亦唔例外，佢嘅特性係贏波會大嗌扯爛衫，極豪邁。
動人館
乒乓新虎 張繼科贏到開胸
中國乒乓球隊上屆北京奧運就包攬 咗單打及團體四金，今屆乒乓球隊更如虎添翼，因為出 咗一個矚目新星——張繼科。張繼科係中國乒乓球隊自 2008年後冒起得最快 嘅新人。 2010年已係世界排名第三， 2011年更 喺法國舉行 嘅世盃賽中打敗隊友、奧運金牌王皓，成功奪得男單冠軍，晉升世界第一名。今屆奧運亦係佢以世界男單排名第一身份，首次踏上奧運會 嘅殿堂。
心理質素超高 嘅張繼科，被教練劉國梁形容為「賽場上的 C朗拿度」，係國家隊最信賴 嘅金牌希望。
張繼科小檔
貫籍﹕山東省青島市
出生﹕ 1988年 2月 16日
身高﹕ 5呎 11吋
打法﹕右手橫板弧圈結合快攻
排名﹕世界第一位
張繼科話就話第一次出征奧運，事實上四年前 嘅京奧（北京奧運）佢都有份出席，不過只係做王皓及馬琳 嘅陪練員， 喺台邊眼光光睇住馬琳、王皓、王勵勤包辦金銀銅牌。勢估唔到四年後，當日嘅小卒卻以世界「一哥」身份出戰倫敦奧運。張繼科有今日成就，不諱言四年前 嘅陪練經歷係成功 嘅基礎。連王皓都話﹕「今次只要能和張繼科會師，我覺得就完成全隊最大的願望和任務。」
張繼科大隻靚仔，佢騷肌透點拍寫真又真係幾誘惑，迷死粉絲！
高難度瞓身
張繼科唔單止球技出眾，腰力亦好勁，睇佢呢個瞓地動作，難度真係媲美體操運動員。
性格叛逆嘅張繼科，因其背後紋身為展翅大鷹，惹嚟很多含義猜測，張則謂代表堅強、毅力。女粉絲就懶理乜意思，淨係話係性感象徵喎。
贏波獅吼
雖然有傳乒乓球嘅四面金牌，中國隊會攞硬，但隊員依然緊張到死。加上人人都想成為金牌得主，「男單希望」山東小子張繼科更係閉關狂操，真係操到抽筋。唔知係咪操過龍，每次佢贏波都要大嗌宣洩！
叛逆少年變領軍人物
作為一個國家級運動員，受訓 嘅艱苦真係不足為外人道，張繼科當然唔例外，有個乒乓球教練嘅爸爸，情況更淒慘。
張繼科爸爸張傳銘係乒乓球教練，張繼科 5歲開始跟張傳銘學習乒乓球。 2003年，未夠 15歲 嘅張繼科入選國家隊，但同年因犯規，又俾踢返省隊。 06年又召佢歸隊，可惜冇乜表現，直到 2007年，張繼科已修心養性，由壞孩子變成一個積極進取 嘅運動員。因省賽成績超好，開始踏足國際賽場，戰績一路直上，終成為繼前輩孔令輝之後另一個世界錦標賽及世界盃雙料冠軍。如今更成為國家乒乓隊領軍人馬，世事真係估佢唔到。
身高 1米 78， 24歲 嘅張繼科，仰慕佢 嘅女粉絲當然唔少啦，但靚仔有型 嘅佢，緋聞唔算多，傳得最厲害 嘅，就係佢同現為世界乒乓球女子排名第二、有小鄧亞萍稱號、 19歲 嘅劉詩雯。甚至有人形容佢 哋係繼林丹、謝杏芳之後另一對體壇「神鵰俠侶」。可惜佢哋受唔住輿論壓力，舊年年尾分咗手。
截稿前收到嘅消息，張繼科首輪僅以 27分鐘就直落 4局擊敗代表土耳其參賽、原籍中國嘅選手王博。下仗對手則係俄羅斯老將薩姆索諾夫。喺度要為張繼科打氣：奪金好似食飯一樣簡單，絕對冇難度！ Fighting！
出征奧運前，張繼科及大陸女星童蕾為雜誌《第五頻道》拍寫真。面對童蕾，張繼科嘅霸氣冇晒，反而顯得靦覥而被童蕾取笑。
張繼科同劉詩雯嘅一段情，雖曾傳得沸沸揚揚，可惜都係分手收場。
每逢出賽，阿爸張傳銘同阿媽必定對住電視 𥄫到實一實。
總教練劉國梁（左）形容張繼科（背向鏡頭）為「藏獒」，野性、唔成熟。
老將王皓（左）為備戰奧運減肥，終成功減咗 20磅。對呢屆奧運，王皓最大希望係同張繼科（中）會師決賽。
奪金大軍
7/8出戰
百米欄飛「翔」 劉翔
劉翔已於 8月初進駐奧運村，積極備戰，而劉翔今次最大對手係美國嘅梅里特。
5/8出戰
跳水領軍 吳敏霞
郭晶晶退役後， 27歲嘅吳敏霞順理成章成為跳水隊領軍人物。早前與何姿拍檔奪金牌。吳敏霞已連續三屆獲雙人跳水金牌。餘下單人 3米板，金牌應是囊中物。
6/8出戰
吊環奇「冰」 陳一冰
男子體操隊先下一城奪金，為隊長陳一冰打咗強心針。連續兩屆世錦賽冠軍，金牌「吊環王子」稱號唔係白叫。
5/8出戰
超級丹 林丹
對 29歲嘅林丹嚟講，今屆可能係佢最後一次參賽，所以意義特別重大，因為佢希望成為第一個衞冕奧運冠軍嘅羽毛球手。
奧運獎牌榜
截至 8月 1號金牌榜，中國以 13金 6銀 4銅，共 23枚，位居榜首。
葉詩文
女子四百及二百米個人四式
易思玲
女子十米氣步槍
孫楊
男子四百米自由式
郭文珺
女子十米氣手槍
陳若琳、汪皓
女子十米高台
吳敏霞、何姿
女子雙人三米板跳水
男子體操隊
團體賽金牌
曹緣、張雁全
男子雙人十米台跳水
李雪英
女子舉重 58公斤級
林清峰
男子舉重 69公斤級
雷聲
男子花劍
王明娟
女子舉重 48公斤級
奧運必睇賽事
無綫明珠台
2/8乒乓球—男子單打決賽（金牌戰） 11:00pm-2:00am
3/8羽毛球——混合雙打決賽（金牌戰） 11:00pm-2:00am
4/8田徑——男子一百米分組第一輪初賽 4:30pm-7:30pm
5/8排球——女子排球 B組預賽（中國對南韓） 4:30pm-7:30pm
亞視國際台
2/8乒乓球—男子單打決賽（金牌戰） 8:00pm-11:00pm
3/8羽毛球—男子單打 4強賽 8:00pm-11:00pm
男子自由體操決賽（金牌戰）
女子跳馬決賽（金牌戰）
男子鞍馬決賽（金牌戰）
5/8女子 3米彈板跳水決賽（金牌戰） 2:00am-5:00am 
留言列表
