着平底鞋護 B
湯盈盈 着住平底鞋到養和醫院檢查，已懷孕接近三個月的她，一直拎 着手袋和英文小說護肚，小心翼翼。
大封面
養和秘密「度頸皮」 湯盈盈證實懷蛇仔
現年 47歲的錢嘉樂， 06年跟李珊珊分手後，搭上比他年輕 10年的無綫姐仔湯盈盈，不過他一直未肯給予女方名份。其間有傳錢嘉樂翻撻舊愛，搞到湯盈盈一度避走美國。
今年 2月，錢嘉樂終肯公開承諾明年迎娶湯盈盈。但在本周日（ 19日），他卻失驚無神在鄭伊健演唱會綵排時，宣布提早年底結婚。事情峰迴路轉，全因女方證實有餡 12周，故要趕做龍年新娘註冊結婚。
上周一（ 13日），本刊獨家直擊錢嘉樂陪同腳踏平底鞋的湯盈盈出入養和醫院。據知湯盈盈當日到醫院為胎兒「度頸皮」，驗唐氏綜合症，兼排期開刀生 B。
本刊收到可靠消息，在度頸皮過程中，湯證實懷有蛇仔，預產期為下年 3月初。今次湯盈盈母憑 B貴嫁入錢家，認真可喜可賀。
盈盈奉子成婚怕 BB小器
錢嘉樂與湯盈盈拍拖 5年，一直低調避談戀情。直至前年「分」後復合，地下情才開始浮面。今年初，二人一度傳出婚訊，當時錢嘉樂直認明年迎娶湯盈盈，希望計劃好才結婚。但本周日（ 19日），他為鄭伊健個唱綵排時，卻突然宣布年底結婚，並透露：「大家追問婚訊多年，覺得都係時候。」但對於是否雙囍臨門，他未有正面回應。而湯盈盈亦夾定口供說：「唔講得住，到宣布得先講，依家未講得。」雖然盈盈樂樂不肯向外承認有 BB，但盈盈咁答記者，係人都意識到佢懷有「錢種」啦！
醫院全程陪檢查
首次做老竇的錢嘉樂，經常俾人話吊兒郎當，不過盈盈今次為錢家佗 BB，嘉樂仔亦沒有掉以輕心，上周一（ 13日）下午 3時盈盈到醫院檢查，錢亦陪伴左右。
小心拖實
下午 4時半兩人離開醫院時，即使只有一級樓梯，錢嘉樂即刻捉住湯盈盈隻手拖到實，非常謹慎。
滴酒不沾
當晚眾人舉起酒杯狂歡，平時豪飲開的湯盈盈，卻只拎 着電話拍照，滴酒不沾。
踩 5吋鞋
湯盈盈與錢嘉樂隨後分道揚鑣，湯隨即換上五吋高 踭鞋，到中環會合錢國偉（小圖）參加內衣騷。只見湯每行一步都要扶實欄杆，記者見到都覺得牙煙。
小說講家庭觀念
高齡要驗唐氏
4月驗精卵
錢嘉樂曾明言自己鍾意小朋友，更希望可以三年抱兩。事實上，他與湯盈盈在「生仔」上早有共識。今年 4月，二人曾秘密到養和醫院進行詳細身體檢查，同時驗精和驗卵，預早計劃將來是否有需要做人工受孕，結果顯示兩人身體機能一切正常。
據知，現正趕拍新劇《老表，你好嘢》的湯盈盈，得知自己有 BB後，拍劇放食晏時，已乖乖戒掉所有凍飲，胃口亦大增。錢嘉樂近日亦一改以往吊兒郎當作風，對未婚妻痛錫有加，不時提醒她戒食生冷食物，更講到明會為她換車買樓。
除溫馨提示外，上周一（ 13日），本刊更獨家影到他陪同湯盈盈到養和醫院求診。當日湯盈盈身穿黑色鬆身裙及平底鞋，腹部微隆，行路時更減慢步伐，小心翼翼，孕味極濃。
當日，湯盈盈到養和做俗稱「度頸皮」檢驗，為腹中胎兒測試唐氏綜合症及驗血。離開醫院時，湯盈盈表現風騷，相信通過了測試。而本刊亦收到醫院可靠消息，在此次度頸皮測試中，由於盈盈肚內 BB非常合作，因此即日已知 BB性別。知情者透露：「同湯小姐個 BB度頸皮嗰陣，因為 BB大字形攤開，所以好容易見到 BB係有男仔嘅性器官。至於度頸皮同驗血方面，雖然湯小姐過咗 35歲，不過報告顯示佢係超低風險， BB患唐氏機會好微。」
直返匡湖居
周一（ 20日），佗有蛇仔的湯盈盈仍要為新劇《老表，你好 嘢》趕工（上圖）。放工後她直返匡湖居錢嘉樂屋企，其間她到壽司店買魚生。被記者笑她大肚婆食生冷 嘢，盈盈急忙否認：「係買俾嘉樂仔食 㗎！」
七月仍跑山
七月初，當時仍未知有 BB的湯盈盈，參加無 綫的真人騷節目《迎海尋珍奪寶》，跑山游水樣樣做，莫講話大肚婆，普通人都嗌辛苦。
前度李珊珊 心噏瞓唔着
湯盈盈「有咗」的報道出街當晚（本周一），李珊珊徹夜難眠，在凌晨 4時許還忍唔住上微博，坦言「思緒不斷盤旋」，不過就解釋是為了著名導演東尼史葛逝世而感到惋惜。 
在自我介紹一欄中，她透露「有能力找到美好」，相信仍未上岸的她，依然充滿信心唔做剩女。
情路波折
甜蜜期
08年 6月，湯盈盈被拍得在男方的西貢匡湖居過夜，秘密拍拖，不過兩人一直死口不認戀情。
迷茫期
09年 4月，有傳錢嘉樂與舊愛李珊珊藕斷絲連，男方否認跟湯盈盈拍拖。同年 10月，錢嘉樂和李珊珊結伴到成都參加慈善賽車，有傳兩人晚上同房嬉戲，因而傳出復合。
斷纜期
10年 7月，江欣燕在湯盈盈的生日會上，大爆「盈盈樂樂」分手。同年 9月湯盈盈赴美國修讀短期演技課程，被指避走治情傷。
翻撻期
10年 12月，湯盈盈回港後，主動上門「密密送」冧錢嘉樂，成功翻撻。翌年 2月，湯風騷表示其家人從外國回港，與她食團年飯，更自爆拖埋錢嘉樂見家長，確立其正印地位。
打亂結婚計劃
腹中的 BB雖然為盈盈樂樂製造意外驚喜，但同時亦打亂二人的結婚大計。湯盈盈在 6月底到蘇梅島旅行時，同行的錢嘉樂忽然向盈盈跪地求婚，恨嫁盈盈即時喊住應承。但當時湯仍未知道自己已懷孕，更與錢嘉樂有共識明年才擺酒結婚，讓對方有足夠時間籌備婚禮。
知情人士透露：「佢哋原本打算下年年尾結婚，點知盈盈發現自己有咗個幾月。佢屋企好傳統㗎，佢爸爸唔想個女做未婚媽媽，盈盈又唔想大住肚擺酒，玩得唔盡興，所以咪順從父母要求，今年底註冊先。生完 BB後至擺酒，到時仲可能連埋 BB百日宴一齊搞。」
對於錢嘉樂求婚一事，湯盈盈大方表示：「開劇前我哋係去咗蘇梅島旅行，大家都覺得係時候。所以佢（錢嘉樂）一求婚，自己即刻應承，好開心！雙方父母都知道婚訊。本身我哋計劃出年至結，諗住等埋志偉 60大壽先結婚大搞，但今年係好年，會註冊咗先。」註冊結婚其實全因肚內 BB，但為怕 BB小器，盈盈惟有做一次大話媽咪。
對於盈盈佗蛇仔，周三（ 22日）錢嘉樂出席活動時，即大耍太極：「仔女真係冇所謂，最緊要健康！總之有好消息一定會同大家分享。（上星期見到你哋去養和做檢查喎？）係呀，一齊檢囉……普通婚前檢查啫！總之適當時候會公布啦！」對於擺酒一事，記者指他交遊廣闊，至少擺 50圍，錢笑着回應：「我諗都要喇！」
仔女都鍾意
周三（ 22日），錢嘉樂在新劇《巴不得媽媽》的宣傳活動上，對湯盈盈大肚一事三緘其口。只透露自己仔女都鍾意，更多番求記者不要再問。
新加坡蜜遊
自從分完再合後，樂樂盈盈戀情開始浮面，不過多年來外間從未影到二人拍拖相。直至今年二月，本刊才獨家拍到二人到新加坡蜜遊照片。
舊愛黯然神傷
眾星齊齊祝賀
盈盈樂樂在圈中人緣甚廣，奉子成婚消息一出，紅星即紛紛恭賀。但由於盈盈今次意外懷孕事出突然，因此沒有向圈中姊妹交代，好姊妹阿佘更笑指自己好憤怒。
阿佘 詐型太遲知
「我哋全部人都希望佢哋快啲結婚，不過我係由記者口中得知佢哋結婚，所以依家好嬲囉，點解佢哋唔同我哋講。」
江欣燕 妖女收伏 badboy
「佢哋可以話係妖女收伏 badboy，盈盈可以收伏浪子好叻女。」
鄭伊健 想做證婚人
谷德昭 佢好鍾意小朋友
文頌嫻 快啲搞大佢個肚
兒子夾媽咪
留言列表
