忽然去片
中日鬥呀！
媽咪姐 keep住睇「 COOKING in 2」欄目嘅煮餸片段，始終有聲有畫，易學啲嘛！估唔到今期《忽周》仲搵咗日本大廚示範正宗懷石風味嘅響螺沙律伴土佐爽，好鬼驚喜。見佢無論喺刀功同擺盤方面，都同另一位示範 XO醬炒鴛鴦爽片嘅本地大廚好唔同，今次真係大開眼界，學到嘢呀！
日式夠細心
中式鑊氣夠
霍錦輝
日航酒店桃李中菜廳副總廚
「九十後」諗緊乜？
呢兩年，大家成日講一班「八十後」點點點，但其實大班「九十後」已經湧緊出嚟。好似今期《忽周》副刊訪問模呂娜，佢依家先 20歲，已經拍過三點盡露嘅全裸照，嚟緊又話會出寫真。化晒濃妝嘅佢，其實仲有啲稚氣，但就揸住拳頭，話自己可以好激。「九十後」嘅想法，你真係估佢唔到！而佢，都可能估自己唔到。
A
王浩信有女即變
王浩信同老婆陳自瑤為囡囡靖喬擺百日宴，請咗唔少圈中人，場面好熱鬧吓！媽咪姐睇片見 BB女面圓圓，咁得意，好想「抽水」錫佢幾啖呀。再望吓王浩信有女萬事足嘅溫柔眼神，成個人好似成熟晒，無咗以前嗰種花弗感覺喎。睇嚟，佢已經準備好加入「女奴」行列嘞！
B
全站熱搜
留言列表
