開始行性感路線的 Fiona，正處於事業高峰期，估唔到感情上，會俾已退出娛樂圈的 Race撬牆腳， Fiona真係要加把勁喇！

封面

趁出埠食住上　 Race姣勾薛凱琪黑人男友


30歲又結過婚的黃婉伶（ Race）緋聞不斷，前年高調與向佐拍拖，激到富商老公陳靖楷簽紙離婚，辛苦箝掂中國星太子爺，以為借向家人脈於影圈發圍，點知過不到向太陳嵐一關，又傳向太落閘閂水喉，上個月，向佐終於宣布跟 Race分手。
冇佬又失水喉，兩頭唔到岸的 Race，再次為自己將來打算，估唔到最新目標，是薛凱琪的黑人男友、澳門威尼斯人高層 Reggie Martin。 Reggie上週趁 Fiona到國內工作，跟 Race於中環撐 枱腳撐足 3粒鐘，離開時 Reggie更搭實 Race膊頭又攬埋腰，直至發現記者，兩人即刻分頭走， Reggie仲嗱嗱臨搭夜船返澳門，驚死正印 Fiona知道。

秘拖 2年
威尼斯人高層 Reggie




09年， Fiona到威尼斯人酒店拍戲而認識 Reggie，更曾被本刊拍得拍拖遊銅鑼灣，有指曾任職威斯汀酒店的 Reggie，長租豪華套房，方便與 Fiona見面。 

原本想左擁富豪老公陳靖楷（ Anthony）、右抱向佐的 Race，聽見向太要佢「最緊要身份清楚」後， 09年飛返新加坡向 Anthony攤牌，即使「偷食」理虧在先，有傳 Race依然要求索取 1億港元贍養費，認真大貪。


15/9擒拿手
行吓行吓， Reggie不經意搭實 Race，睇 Race個樣就知佢幾受落。


發現記者， Reggie醒目同 Race分車走，仲即晚搭船返澳門，去到碼頭，仲四圍望有冇記者跟尾。


掃背
Race亦都好主動，不時掃 Reggie的背脊，男人真係好難頂得住。

煙韌反轉中環




Race跟 Reggie於 Sevva食完飯後再去 Armani Prive飲嘢，之後再到前立法會旁的遮打花園拍拖，煙韌足一晚。 

迫婚失敗


今年 7月， Reggie出席陳冠希 CLOT的開幕，宋芝齡就出現在他身邊，事後宋解釋只是朋友，睇 嚟 Reggie都幾受女星歡迎。

為討好向太歡心， Race花盡心思，除了火速與前夫辦妥離婚手續，更報讀工商管理課程希望藉此洗底。去年底， Race在向太的安排下到「金英證券」打工，返朝九晚五的市場策劃工作，希望氹掂「未來奶奶」。據 Race身邊好友透露，近年向太的確對 Race的態度好轉，而且眼見家姐黃婉君（ Rosanne）於 09年結婚後，又生了一個精靈可愛的兒子 Dylan，生活幸福兼美滿，令 Race開始對向佐施壓迫婚。知情人士說︰「上年開始， Race已經開始向男友迫婚，話拍拖 2年都係時候啦！不過，向太好醒目， 2010年幫個仔定下 10年大計，要求個仔 10年內唔可以結婚。」 

攬膊搭腰


貪字得個貧，迫婚唔成，上月向佐更將在 facebook的婚姻狀況一欄突然轉做「單身」，快過 Race向外宣布分手。已經 30歲的 Race，為免變「賣剩蔗」，最近積極搵男友。知情人士說︰「雖然 Race結過婚，但仲 keep到，點會冇人追，但聽講佢都好心急，話晒都三張 嘢，又已經唔 喺幕前工作，都想安定落 嚟啦。」上週六（ 15日），本刊發現 Race與一名高大黑人現身中環，此人正是與 Fiona傳足 2年緋聞的澳門威尼斯人酒店高層 Reggie Martin，二人行到太子大廈，沿途都有講有笑，過馬路時， Reggie仲搭住 Race的膊頭，非常體貼。


出埠睇唔實


由上週四（ 13日）開始， Fiona先去上海、再去北京，事發當晚（ 15日）， Fiona身處北京出席 Bread n Butter活動。


轉公司之後， Fiona工作排山倒海，未來將放更多時間在國內發展， Paco更揚言要為她爭影后。《蘋果日報》圖片

Fiona:我哋少咗聯絡


據知當晚二人相約到位於太子大廈，名媛郭志怡開設的高級餐廳 Sevva吃晚飯，二人由 7點食到 10點幾，仍未夠喉，撐完枱腳再轉場到遮打大廈的 Armani Prive飲 嘢，離開時 Race仲不時為 Reggie掃背，好鬼 sweet；之後仲未捨得走，再行去遮打花園散步。警覺性甚高的 Race，不時四圍望，當行到文華東方酒店分別上的士， Reggie在的士內一邊傾電話、一邊向後回望，直駛去港澳碼頭返回澳門。
而正印 Fiona整個星期都不在香港，分別到北京、上海出席時裝活動，她每日仲更新微博報行蹤，估唔到 Reggie竟來港密會 Race。
記者致電 Fiona，她表現淡定，「我諗真係要講一次，其實我同 Reggie係拍《分手說愛你》時識，當時去 Venetian（威尼斯人）拍攝，劇組 啲人介紹 嘅。老實講，演唱會之後一直都好忙，已經少 咗聯絡。呢單 嘢我冇評論，佢亦冇同我講，作為一個藝人，我都希望有自己私隱，所以我都唔會過問身邊 嘅朋友。」而向太就大方送上祝福，她說︰「我哋（與 Race）都仲有聯絡，佢冇同我講拍拖喎，如果係好 嘅，我梗係會祝福佢。」


因迫婚失敗， Race被向佐恨飛， Race更在 facebook上慨歎：「天在哭」，抒發自己灰到爆的心情。《壹週刊》圖片


本來向太對 Race態度轉好，但要等 10年先入到門， Race應該冇咩耐性。《壹週刊》圖片


為討向太歡心， Race揚言退出幕前，專心返朝 9晚 5， o依家仍然喺金鐘嘅金英證券做白領儷人。《壹週刊》圖片


眼見家姐一家三口咁幸福， Race再有結婚衝動，可惜向佐聽晒媽咪話， Race始終入唔到門。《蘋果日報》圖片

鬥多仔


31歲 Fiona和 30歲 Race入行至今，緋聞未停過，不過一眾緋聞男友論背景、論才華， Fiona絕對比 Race有眼光，而且個個再見亦是朋友。

Fiona




05年房祖名
拍《早熟》一撻即着，更被拍到同遊日本， 5年感情離離合合，最終因男方花心， Fiona提出分手。


06年 Pete
06年與房祖名感情不穩， Fiona與蒲精兼初戀情人 Pete夜夜笙歌而傳出緋聞。《蘋果日報》圖片


07年方大同
同屬一間唱片公司，方大同不時作歌給 Fiona，為她打造音樂之路，可惜因方大同跟隨父母信奉巴哈伊教，從小清心寡慾，雙方只能做知己。


10年郭品超
因拍《摯愛》認識，男方熱烈狂追，拍攝完都經常來香港，以旅遊為藉口，同 Fiona見面。 2010年更被本刊拍得齊齊由銅鑼灣坐的士去 Fiona九龍塘屋企過夜。

Race




06年陳冠希
2R兩姊妹都與 Edison傳過緋聞，當時 2R不時被拍到出入名牌，非常富貴，但淫照事件爆出後，兩姊妹即時跟 Edison劃清界線。


08年伍允龍
鍾嘉欣男友伍允龍， 08年被拍到與 Race在金鐘 shopping， Race更幫男方揀衫，但點夠鍾嘉欣 fight！

黑人唔一定勁


關嘉美

香港地女多男少，不少港女都開始接受外籍人士，而黑人亦大有市場，除了 Fiona及 Race，前排有傳周秀娜 Chrissie暗撻曼聯黑人球星里奧費迪南，更於微博上載戴住費迪南送贈的帽。
自古相傳黑人性能力超卓，不過於醫學角度來說就完全無關，家庭醫生關嘉美說︰「性能力只反映一個人健唔健康，健康咪精力旺盛 啲；至於性器官絕對是因人而異，無膚色之分，亦同身形高大與否無關。」
arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄