跳到主文
部落格全站分類:偶像明星
娛樂八掛大放送★
娛樂 週刊 雜誌(2014-2015)☆
娛樂 週刊 及 雜誌(2012)☆ 娛樂 週刊 及 雜誌(2013)☆
羅蘭,呢期要叫「聖羅蘭」,她因為多次扮演「龍婆」成為鬼片 icon,現在連續 3年拍攝海洋公園「哈囉喂」廣告,今年更扮演 Chanel主帥 Karl Lagerfeld一身老佛爺,黑超白髮手套 look型到爆燈,人人潮拜。現年 78歲、 16歲便入行的羅蘭姐自問甚麼角色都演過,戲外只係一個普通婆婆:「潮 look都係演戲 啫!」今次聖羅蘭呢個 look係最犀利!我出街以為得 啲後生仔知道,點知 4、 50歲都話好鍾意。我知道老佛爺係邊個,名牌 嘢我都識,不過我唔係潮人,好少用電腦亦唔會追新科技,電話都係舊 嘢之嘛!平時我只係普通老婆婆一名,都係同 啲同年紀 嘅老友出 嚟玩 啫,潮 look都係演戲 啫!老佛爺 Karl Lagerfeld羅蘭表示廣告酬勞都係咁上下,但反應令佢好意外:「好多人話我好型,今次真係好突破!扮鬼王唔驚 㗎,我係龍婆點會驚!」家 啲後生仔唔及我 哋 嗰代咁捱得,可能環境造成啦。我 哋 嗰代人,打開一份工就唔會轉工,除非俾老闆炒魷魚 啫,以前俾導演鬧咪又係咁做落去;我拍 咗咁多年戲,導演叫我點樣做咪點樣做囉!好以呢個老佛爺 嘅形象,構思 嗰位仁兄好 嘢、導演又好 嘢!拍之前畀我睇 咗個造型,未諗過自己咁有型 㗎,不過冇嚇親我 嘅,我係演員 嚟嘛。花 咗 3日時間,一日度身、一日試衫同影相、一日拍攝,不過個妝化 咗起碼 3個鐘頭,唔容易 㗎!「哈囉喂」廣告憑住羅蘭 icon年年網上點擊率有幾十萬,最新片段上載一個星期亦已突破 20萬。無 綫新劇《天梯》羅蘭戲分甚重,佢話唔排除年尾會再拍劇喎。1958年演過妓女, 69年在《七擒七縱七色狼》中泳衣上陣,羅蘭說在當年已算十分大膽,不過她從不喜歡做女主角,因為怕壓力太大喎。
TVB娛樂八掛週刊雜誌大分享☆
tvb4life 發表在 痞客邦 留言(0) 人氣()
留言列表