Sam 37歲生日表面孤獨，其實有朋友賀有禮物收仲有未婚妻陪佢一齊癲，不知幾幸福。
Web Spy
李璨琛生日玩孤獨
喺圈中人緣出名好，大把 friend，仲要 11月就同模特兒女友 Pai拉埋天窗，李璨琛孤獨？講都冇人信啦！不過鍾意搞鬼 嘅 Sam上星期四（ 27日） 37歲牛一，就懶孤獨咁擺 咗一幅蛋糕相上微博，仲自己同自己講「 Happy Birthday To Me！」，鬼咁淒涼。結果？梗係成村圈中朋友排住隊同佢講生日快樂，連遠在加拿大 嘅《怒火》女友陳敏之都越洋送上祝福，下款仲落 咗自己 喺《怒火》入面嘅角色名「貞貞」添。
敏之放大假返溫哥華休假，山長水遠都記得祝阿 Sam生日快樂。
其實孤獨慶生相擔住支煙懶陰功咁，阿 Sam擺明係設計圖片玩 嘢。孤獨就唔會有人揸機影相、就唔會有人咁有情調送上一個寫住「 Happy Birthday」 嘅蛋糕、孤獨仲有生日禮物新鞋收喎。邊個咁得閒陪阿 Sam癲，一定係近排黐實一齊搞婚禮 嘅未來老婆啦！ 
全站熱搜
留言列表
