今年 20歲嘅 珉豪，全身皮膚白到反光，唔只靚仔，而且擅長運動，最叻係跳高，讀書時攞過唔少金牌。冧死女 fans絕對唔出奇。
韓面
SHINee 光豬靚壯男
韓國 5人偶像組合 SHINee，個個青靚白淨引死女，近年攻陷韓國同日本，嚟緊 10月尾更大軍空降香港亞洲博覽館開騷，終於打到嚟。
講到 SHINee裏面最多人 like，一定係最靚仔隊員 珉豪。 20歲的 珉豪，特徵係眼大大，加上皮膚白淨過女人，純正花樣美男，最愛剝衫晒命。如果唔擔正做韓劇《花樣少男少女》（韓國譯做《給美麗的你》）男主角，真係嘥晒！
雖然年頭有傳 SM Entertainment只顧捧新紮男團 EXO而忽略 SHINee，搞到近期 SHINee人氣下滑，但其實隊員各自搵食反而發展唔錯，尤其最近拍住 f(x)的 Sulli一齊擔正做偶像劇《花樣少男少女》主角嘅 珉豪。
珉豪（右）一直係隊中最搶手成員，早於 09年已被遊戲節目《出發夢之隊》揀中做固定遊戲嘉賓，經常同 2PM最靚仔成員 Nichkhun一齊比賽。
珉豪同 f(x)Sulli擔正做韓劇《花樣少男少女》主角，雖然劇中 2人有唔少拖手拍拖嘅甜蜜場面，但由於套劇做過日版及台版，欠缺新鮮感收視一直唔過 10%。
左起：溫流 珉豪 泰民 Key 鐘鉉
今年 SHINee主力發展海外市場，之前曾到日本、台灣及澳門開騷， 10月 27日將踩入亞洲博覽館正式以 SHINee名義在港開騷；而最受歡迎嘅 珉豪多企中間搶眼位。
最叻老點
20歲 珉豪，眼大大又靚仔，連全身皮膚都白滑到跣手，雖然他強調自己的美白肌膚是阿媽遺傳，但自己亦有保養，秘訣係盡量少曬太陽，出街最緊要塗防曬用品，如天氣非嚴寒，盡量用凍水沖涼同洗面，可令皮膚保持緊致，肌膚自然嫩滑。
泰民靚過 𡃁模
今年 19歲嘅泰民，係 SHINee中年紀最細隊員，同樣青靚白淨，輪廓細緻似女仔，而且形象百變，戴起個長假髮，靚過 𡃁模。
靚仔 珉豪雖然大把女 fans冧，但原來他於隊員之間是人緣最差一個，甚至同隊友打過交，早前鐘鉉爆料：「 珉豪同我同年，但早我少少入 SM，算係我前輩，所以經常以前輩身份點我做嘢，而且成日發脾氣，有次我忍唔住同佢打交，卒之要其他人幫手勸交。」雖然 珉豪經常老點係唔啱，但鐘鉉出手打人，更加唔啱喎！
泰民好心地
珉豪受歡迎，隊中年紀最細只得 19歲的泰民亦唔弱，個樣靚到似女仔的泰民，大把韓妹 like，除經常隨 SHINee一齊開騷，年頭更跳入電視圈拍韓劇《蠑螈道士和影子操作團》，據稱泰民因唱得、跳舞又叻，公司打算搵佢 solo出碟捧紅佢。
形象乖乖的泰民，心地也極之好。早前有患肌肉萎縮症嘅女歌迷，專程由美國去首爾探偶像，泰民同隊友唔只親自接見，仲送咗自己珍藏念珠手鐲給對方，還鼓勵她繼續加油。泰民又靚仔、心地又好，抵佢咁受歡迎。
扮 70歲阿伯
今年頭，泰民客串演出喜劇《蠑螈道士和影子操作團》，劇中 19歲泰民就化老妝扮 70歲阿伯，唔少觀眾都讚佢扮得似。
師姐錫晒
泰民係 SHINee隊友中最有人緣，連師姐 BoA都好錫佢，去《人氣歌演》唱新歌〈 Only One〉都搵佢伴舞，畀足機會佢曝光。
送 SHINee$1,480最貴門券 2張
少女時代師弟組合 SHINee，鐵定 10月 27日於亞洲博覽館舉行《 SHINee WorldⅡ in Hong Kong》香港騷，門票分$1,480、$1,280、$980及$680，現正公開發售。今期《 FACE》送出 SHINee港騷$1,480最貴門劵 2張，名額 1個，送完即止！快啲登入本刊及《 FACE》 U Star fan page和分享連結，或用手機嘟下面的 QR code，答啱問題贏門劵！ 
Face U Star
Face Magazine
留言列表
