TVB娛樂八掛週刊雜誌大分享☆

高海寧懷舊波霸 彈住賀歲

每年的賀歲片均不乏大堆頭製作，邵氏電影今年便請來譚詠麟「久休復出」，孖曾志偉及陳百祥重組「熟版福祿壽」，與一班無綫小生花旦鬥戲，而身材big爆的高海寧更會飾演70年代肉彈明星，她笑言要積極keep fit。

邵氏電影近年都開拍大堆頭賀歲片，今年的《我愛HK2013恭喜發財》亦落實於月中開拍，由曾志偉監製、導演鍾澍佳，參與演出的除了無綫藝員徐子珊、謝天華、黃宗澤外，更有元祖級「福祿壽」譚詠麟（校長）、曾志偉及陳百祥（阿叻），影片圍繞70年代及現代兩個時期，校長和阿叻分別飾演年紀大了的黃宗澤及謝天華，徐子珊的年長版則仍在選角中，其他演員還有飾演70年代肉彈的高海寧、偷渡來港的茶樓點心妹孟瑤、鄭欣宜、農夫等。招牌式的巨型廠景今年亦搞搞新意，將斥資搭建一座舊式酒樓。

高海寧將飾演肉彈明星，單睇身材都合格有餘。

溫拿樂隊客串

能得到久未拍電影的譚校長首肯助陣，原來全憑誠意打動，導演鍾澍佳笑說：「我哋動以真情，佢早幾年都有拍嘅，不過之前要唱歌、開演唱會嘛！（佢收得好貴？）我唔知佢收幾多喎！佢仲會搵埋溫拿樂隊啲兄弟做番場戲，內容仲度緊。」問他今次還會否有無綫藝員大堆頭演出時，他謂：「都會，但故事唔同，所以冇往年咁多，但馮淬帆就走唔甩，呢個主要係男人戲。」

譚詠麟被誠意打動，再次獻身大銀幕。

孟瑤和志偉又會再次合作賀歲。

馮淬帆作為笑匠，已成賀歲鐵膽。

至於向來身材有睇頭的高海寧，由於要飾演肉彈明星，性感難免，她表示近排天氣凍吃多了致肥了少許，現要努力keep fit。另一有料之人孟瑤則身在北京，當她知道將演點心妹時，即笑言幾得意，不用性感也幾好。